«Vybarčaje machlarstva padčas pandemii — padvojnaje złačynstva». Partyja BNF admaŭlajecca ad udziełu ŭ vybarach
«Uciahvać ludziej ŭ vybarčaje machlarstva padčas pandemii — padvojnaje złačynstva», — z takoj zajavaj vystupiŭ sojm Partyi BNF.
Sojm Partyi BNF zajaŭlaje, što va ŭmovach pašyreńnia karanavirusa ŭ Biełarusi praviadzieńnie vybarčaj kampanii niemahčymaje. Pieradusim, tamu što kožny etap kampanii patrabuje aktyŭnyj naŭprostavaj kamunikacyi pamiž tysiačami ludziej, što stavić ich zdaroŭje i žyćci, a taksama zdaroŭje i žyćci ich rodnych pad pahrozu.
Va ŭmovach pandemii padčas vybarčaj kampanii niemahčyma taksama dasiahnuć tych taktyčnych i stratehičnych metaŭ na budučyniu, jakija mohuć apraŭdvać udzieł demakratyčnych kandydataŭ u niedemakratyčnych, niesvabodnych i niesumlennych vybarach, jakimi jany źjaŭlajucca ŭ Biełarusi z 1995 hoda.
Hruntujučysia na pieraličanych vyšej pryčynach, Sojm Partyi BNF pryniaŭ rašeńnie ab niaŭdziele Partyi ŭ prezidenckich vybarach 2020 hoda. Partyja nie budzie vyłučać svajho kandydata, a taksama nie budzie padtrymlivać nijakaha inšaha kandydata.
Bolš za toje, my źviartajemsia da lidaraŭ i aktyvistaŭ usich demakratyčnych arhanizacyjaŭ z zaklikam nie vyłučać svaich kandydataŭ u prezidenty i nie ŭdzielničać u vybarčaj kampanii va ŭmovach pandemii.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary