Prezident Rasii Uładzimir Pucin źviarnuŭsia da hramadzian, jakija ŭdzielničajuć u šeści «Bieśśmiarotnaha pałka», jakoje štohod pravodzicca ŭ mnohich haradach krainy i ŭsiaho śvietu. Tranślacyju treciaha za dzień zvarotu kiraŭnika dziaržavy, u ramkach jakoj jon dałučyŭsia da anłajn-akcyi, vioŭ telekanał «Rasija 24», piša lenta.ru.
«Idziom my z vami ŭ adnym strai abo zastajomsia doma, jak siońnia, — našy hieroi zaŭsiody z nami, u našym sercy. I tak budzie zaŭsiody. Jany zastanucca z nami nazaŭždy. A pa bruku Čyrvonaj płoščy, addajučy daninu pavahi našym hierojam, my jašče projdziem», — paabiacaŭ rasijski lidar.
Pucin zrabiŭ nievialikuju pramovu na fonie partretaŭ svaich baćkoŭ. U hetym hodzie «Bieśśmiarotny połk» z-za situacyi z karanavirusam pravodzicca anłajn.
Raniej 9 maja kiraŭnik dziaržavy źviarnuŭsia da hramadzian kala Mahiły Nieviadomaha Sałdata, dzie jon ranicaj uskłaŭ kvietki. Akramia taho, jon vystupiŭ z pramovaj na Sabornaj płoščy Kramla pierad vajskoŭcami Prezidenckaha pałka. Abodva vystupy tranślavalisia pa telebačańni.
Kamientary