Admova ad karancinu nie ŭratuje ekanomiku Šviecyi: prahnazujuć mocnaje padzieńnie
Šviecyja pryciahnuła ŭsieahulnuju ŭvahu z-za niestandartnaj stratehii strymlivańnia pandemii karanavirusa. U adroźnieńnie ad inšych jeŭrapiejskich krain, skandynaŭskaja dziaržava nie stała ŭvodzić usieahulny karancin i mocna abmiažoŭvać ekanamičnuju aktyŭnaść. Tym nie mienš, danyja, apublikavanyja centralnym bankam krainy, pakazvajuć, što ekanomika Šviecyi paciarpić hetak ža mocna, jak i ekanomika krain-susiedziaŭ, kali nie horš, piša CNBC.
Centralny bank Šviecyi pradstaviŭ dva mahčymyja ekanamičnyja scenary na 2020 hod. Abodva scenary vyhladajuć zmročnymi dla dziaržavy, jakaja nasupierak inšym krainam Jeŭropy admoviłasia ad žorstkaha karancinu dziela padtrymki ekanomiki.
U «pazityŭnym» varyjancie padzieńnie pa vynikach 2020 hoda składzie 6,9%, a ŭ 2021-m ekanomika adnovicca na 4,6%. Pry bolš niehatyŭnym scenary VUP Šviecyi skarocicca ŭ biahučym hodzie na 9,7%, a ŭ budučym hodzie vyraście na 1,7%.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary