U Biełarusi pa stanie na paniadziełak, 2 sakavika, zarehistravanyja try vypadki karanavirusa. Adnak ich vyniki jašče adpraviać u adnu z łabaratoryj Suśvietnaj arhanizacyi achovy zdaroŭja, kab ich paćvierdzić.
Pra heta siońnia na bryfinhu ŭ Ministerstvie achovy zdaroŭja raspaviała Natalla Žukava, namieśnik ministra achovy zdaroŭja — hałoŭny dziaržaŭny sanitarny doktar Biełarusi. Tranślacyja bryfinhu viałasia ŭ telehram-kanale Minzdaroŭja.
Stan žycharki Viciebska, u jakoj vyjaŭleny karanavirus, zdavalniajučy. U jaje narmalnaja tempieratura, žančyna praktyčna zdarovaja.
Dva pacyjenty ŭ Minsku taksama pačuvajucca narmalna, u ich navat nie było tempieratury. «My kantralujem situacyju. U vypadku nieabchodnaści hatovyja akazać dapamohu», — dadaŭ zahadčyk kafiedry infiekcyjnych chvarob Biełaruskaha mieduniviersiteta, prafiesar Ihar Karpaŭ.
Miery epidemijałahičnaha nahladu buduć i dalej vykanany, padkreślili na bryfinhu.
«My nie ŭvodzim abmiežavańnia na vyjezdy — my nie rekamiendujem vyjezd u šerah krain, nienadziejnych z punktu hledžańnia san-epidabstanoŭki», — skazali ŭ Minzdaroŭja.
U Minzdaroŭja padkreślivajuć, što nie stavili zadaču ŭvodzić karancinnyja mierapryjemstvy (h. zn. admianiać zaniatki ŭ škołach i h. d.).
Nahadajem, što 28 lutaha stała viadoma pra pieršy vypadak zachvorvańnia karanavirusam u Biełarusi. 27 lutaha testy pakazali najaŭnaść virusa ŭ studenta BNTU ź Irana, jaki prylacieŭ u Minsk rejsam z Baku. Razam sa studentam byli špitalizavany jaho dziaŭčyna, jaje baćki i siastra.
U baćki niaviesty paźniej adzin z testaŭ pakazaŭ «sumniŭny vynik».
A 1 sakavika ŭ adnym z testaŭ, jaki byŭ uziaty ŭ žycharki Viciebska, pracaŭnicy chołdynhu «Marka», što jeździła na vystavu ŭ Miłan, byŭ vyjaŭleny frahmient RNK, jaki moža naležać typu karanavirusa 2019-nCoV.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary