Alimpijskaja čempijonka Hanna Huśkova štodnia pravodzić u sacsietkach pa piać hadzin
U frystajlistki, što vyjhrała Alimpijadu ŭ 2018 hodzie i zavajavała srebra na Zimovych Alimpijskich hulniach u 2022 hodzie, u instahramie 12 tysiač padpisčykaŭ. Jak jana kamunikuje ź imi, Hanna raskazała ŭ intervju dla Onliner.by.
«Kali jość čas, hladžu ryłsy, trendy, publikuju dopisy — pakazvaju i svajo žyćcio, i sport. Možam navat pahladzieć statystyku… (prachodzić krychu času). U siarednim kala piaci hadzin u dzień.
— Ničoha sabie!
— Nie razumieju, adkul takaja ličba. Mahčyma, tamu što manciruju i publikuju videa — ja ŭsio rablu sama.
— Fanaty nikoli nie abryvali tvoj Instagram?
— Byli takija, chto pisaŭ pastajanna — byccam dziońnik viali. Ale ja ich chutka błakavała, bo nadakučvali. Kali ž ludzi pavodziać siabie adekvatna i nie vychodziać za miežy, ja zaŭsiody adkazvaju. Heta nieskładana. Na ščaście, u asnoŭnym traplajucca narmalnyja ludzi, bieź dzičy. Darečy, niadaŭna ŭ mianie spytali: «A tabie pišuć niehatyŭnyja kamientaryi?» Ja adkazała: «Navat kali pišuć, navošta mnie ich čytać?» Navošta zasmučacca z-za mierkavańnia čałavieka, jaki ŭ frystajle nie raźbirajecca? Dy i dakazvać kamuści niešta ja nie źbirajusia.
— Ci dapamahajuć sacsietki pieraklučyć uvahu?
— Nie viedaju. Kali vieryć Instagram, va ŭsich idealnaje žyćcio. A potym sustrakaješ čałavieka — i ŭ jaho ŭsio naadvarot. Sacsietki nie zaŭsiody dapamahajuć rassłabicca. Lepš pasłuchać cikavy padkast abo pamiedytavać — heta kudy bolš karysna, čym hartać ryłsy, — dadała jana.
Na Alimpijadzie-2026 Hanna zaniała vośmaje miesca, ale płanuje vystupać i dalej.
«Ja chaču dobra adkatać nastupnyja siezony, viarnucca na Alimpijadu i zrabić usio dziela miedala. Paŭtarusia, u mianie niezakryty hieštalt. U mianie niama pytańniaŭ ni da siabie, ni da trenieraŭ — my ŭsio zrabili tak, jak treba. Ale mnie prosta nie dali mahčymaści pazmahacca [za ŭznaharody], i heta mianie nie zadavalniaje. Pierahortvajem staronku i pracujem dalej», — kaža dziaŭčyna.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje23
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary