Archieołahi raskazali, jak raskopvajuć Sinahahalny dvor u Izabielinie
Praciahvajucca archieałahičnyja daśledavańni miastečka Izabielin u Vaŭkavyskim rajonie, paviedamlaje Instytut historyi NANB. U kancy minułaha hoda tam vyjavili padmurki nieviadomaj pabudovy. Jak akazałasia, heta byli kanstrukcyi tak zvanaj «Klajne Šul» — małoj sinahohi Izabielina, uźviedzienaj u 80‑ch hadach XVIII stahodździa.
U suviazi z restaŭracyjnaj pracaj patrabujecca archieałahičny nahlad za ziemlanymi daśledavańniami na abjekcie, jaki robić viadučy navukovy supracoŭnik Instytuta historyi NAN Biełarusi Aleh Dziarnovič.
U novym siezonie vyjavili masiŭnuju liniju kamiennaha padmurka kala darohi ŭ centry miastečka. Heta aharodža Sinahahalnaha dvara Izabielina, što dazvalaje akreślić paramietry hetaj kanfiesijna-karparatyŭnaj struktury XVIII — pieršaj pałovy XX stahodździa ŭ centry miastečka.
Akramia taho, była znojdziena cikavaja kalekcyja artefaktaŭ, u tym liku nabor «dyvanovaj» kafli z hieamietryčnym arnamientam ad piečki XVII stahodździa, što śviedčyć pra najaŭnaść pabudoŭ u hetym miescy ŭ adznačany pieryjad. Pra aktyŭnuju handlovuju dziejnaść u miastečku śviedčyć i znachodka šklanoj płomby ad butelki (kvarty) džynu XVIII stahodździa, mahčyma kontrafaktnaj, z klajmom «LOND(O)N».
Dalejšyja daśledavańni, a taksama zachavańnie i mahčymaje demanstravańnie abjekta mahčymyja tolki ŭ miežach usiaho kompleksu Sinahahalnaha dvara XVIII — pieršaj pałovy XX stst., histaryčna ŭtvoranaha va ŭschodniaj častcy Hałoŭnaj (Rynkavaj) płoščy Izabielina.
Padčas restaŭracyi sinahohi ŭ Vaŭkavyskim rajonie znajšli padmurak nieviadomaha budynka
U Izabielinie adnaŭlajuć sinahohu, pabudavanuju ŭ časy Vialikaha Kniastva Litoŭskaha
U Litvie apublikavali šerah archiŭnych spraŭ z fotazdymkami Jana Bułhaka
Na Novym zamku ŭ Hrodnie adšukali padmurki staražytnaha chrama, padobnaha pa architektury da Kałožy
Kamientary