Robat ujaŭlaje saboj virtualnaha karystalnika, jaki paŭtaraje dziejańni čałavieka, jaki naciskaje knopki kłavijatury i myšy ŭ zadadzienych miescach. Jon nie intehrujecca z bazami danych na ŭzroŭni koda, a raspaznaje infarmacyju, jakaja pieradajecca z ekrana manitora. Taki padychod dazvalaje jamu zdabyvać danyja ź vialikaj kolkaści krynic i rabić heta chutčej za čałavieka. Novamu supracoŭniku ŭ banku dali imia Jaŭhien.
Jon budzie zajmacca vykanańniem rehularnych zadač, jakija treba rabić pa adnym šabłonie i ŭ vialikaj kolkaści. Pierš za ŭsio ličbavy rabotnik uziaŭ na siabie zadaču farmiravańnia «płaciežak». «Na padrychtoŭku adnaho płaciežnaha patrabavańnia čałaviekam sychodzić kala 4 chvilin. Za dzień našy supracoŭniki vystaŭlali ŭ siarednim ich pa 25 štuk i tracili pa dźvie hadziny. Zaraz ža robat za 20 chvilin apracoŭvaje ŭsiu płyń dakumientaŭ, jakuju treba vystavić za miesiac», — tłumačyć načalnik upraŭleńnia pracesaŭ i prajektaŭ Banka Dabrabyt Jaŭhien Ćvirko.
Ciapier u banku idzie praca nad ukaranieńniem robata ŭ servis anłajn-kredytavańnia dla fizičnych asob. U budučyni Jaŭhien zojmiecca taksama vystaŭleńniem rachunkaŭ-faktur dla raźmiaščeńnia na partale padatkovaj inśpiekcyi. Elektronny supracoŭnik budzie spraŭlacca z hetymi zadačami našmat chutčej, a ludzi zmohuć zaniacca bolš cikavaj pracaj.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary