U Sočy prachodzić sustreča Alaksandra Łukašenki i Uładzimira Pucina. Jana adbyvajecca ŭ farmacie rabočaha śniadanku. Kiraŭnikam dziaržaŭ padali ježu i napoi, piša BiełTA
«Kašku z ranicy jeli?» — pacikaviŭsia Uładzimir Pucin.
«Nie na vadzie ž», — adreahavaŭ biełaruski kiraŭnik.
«Čamu? Smačna vielmi. Vy pakaštujcie, vam spadabajecca», — nastojvaŭ rasijski lidar.
Nahadajem, sustreča Pucina i Łukašenki pačałasia ŭ Sočy 7 lutaha. Pieramovy pačalisia ŭ farmacie sam-nasam, a zatym da kiraŭnikoŭ dziaržaŭ dałučacca členy aficyjnych delehacyj. Jak paviedamlałasia, častka rasijskaj delehacyi i žurnalisty nie zmahli svoječasova vylecieć u Sočy z-za składanych umoŭ nadvorja ŭ Maskvie.
U vyniku ŭ Sočy razam z Pucinym na pieramovach prysutničali namieśnik kiraŭnika Administracyi prezidenta Dźmitryj Kozak (z 24 studzienia, da hetaha byŭ vice-premjeram), hiendyrektar «Rasatama» Alaksiej Lichačoŭ i pasoł Rasii ŭ Biełarusi Dźmitryj Mieziencaŭ.
Pakul Łukašenka i Pucin čakali inšych členaŭ rasijskaj delehacyi, jany pajechali ŭ spartyŭny kompleks zhulać u chakiej.
Za hety čas pavinna dalacieć rasijskaja delehacyja ź Minieralnych vodaŭ, i pieramovy praciahnucca.
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary