Časopis The National Interest pieraličyŭ piać padłodak, zdolnych źniščyć śviet za 30 chvilin. Try ź ich — rasijskija i dźvie — amierykanskija.
U rejtynhu apynulisia padłodki prajekta 955 «Barej», jakija vydańnie nazyvaje «samymi cichimi submarynami z balistyčnymi rakietami», a taksama padłodki prajekta 667BDRM «Delfin» i submaryny prajekta 885M «Jasień-M». Apošnija, ličyć aŭtar artykuła, mohuć padabracca da ŭschodniaha ŭźbiarežža ZŠA na 2 tysiačy kiłamietraŭ i z hetaj adlehłaści stralać pa celach až da Vialikich azior.
Z amierykanskich padłodak u hetaj padborcy apynulisia submaryny typu «Ahajo» i novyja padłodki typu «Kałumbija», budaŭnictva jakich pačniecca ŭ nastupnym hodzie, a pastupleńnie na ŭzbrajeńnie — u 2031-m.
Vydańnie adznačaje, što niekatoryja submaryny z hetaha śpisu nastolki mahutnyja, što mohuć u adzinočku «ścierci ŭ radyjeaktyŭny popieł» 288 haradoŭ.
«Hetyja mašyny i ich bajavy ryštunak mahli b źniščyć cyvilizacyju za mienšy čas, čym patrabujecca dla zamovy picy, kali b pačałasia treciaja suśvietnaja vajna», — piša aŭtar artykuła.
Kamientary