Pra heta Alaksandr Łukašenka zajaviŭ siońnia na naradzie pa pytańniach pavyšeńnia efiektyŭnaści realizacyi naftapraduktaŭ na ekspart, pieradaje BIEŁTA.
«Sapraŭdy, zaraz u poŭnym abjomie alternatyvy niama pastaŭkam rasijskaj nafty. Ale, jak my damaŭlalisia, dyviersifikavacca nam treba. Treba iści da taho, što 30-40% my budziem kuplać nafty ŭ Rasijskaj Fiederacyi. Pracentaŭ 30 my pavinny z Bałtyki zavozić i pracentaŭ 30 praz Ukrainu — pravierany ŭžo šlach. Mahčyma, Kazachstan zmoža pastavić nam naftu, kali Rasija pahodzicca z hetym», — skazaŭ kiraŭnik dziaržavy.
«Dziŭna: naš sajuźnik nie daje zhody na pastaŭku nafty ad našaha inšaha sajuźnika. Što ž, takaja situacyja ciapier pa pastaŭkach nafty, i my pavinny z hetym razabracca», — zajaviŭ A. Łukašenka.
«Ekanamičnyja ŭmovy, u jakich my vymušanyja pracavać, uskładniajucca. Z-za ŭviadzieńnia Rasijskaj Fiederacyjaj padatkovaha manieŭru niepaźbiežna źnižajucca dachody respublikanskaha biudžetu, paharšajecca efiektyŭnaść pracy našych naftapierapracoŭčych zavodaŭ. NPZ sutyknulisia z prablemaj finansavańnia biahučaj dziejnaści i, što niemałavažna, svaich inviestycyjnych prahram, nakiravanych na raźvićcio vytvorčaści», — zajaviŭ Alaksandr Łukašenka.
Pierad udzielnikami narady jon pastaviŭ šerah pytańniaŭ. Jany datyčacca prahnozaŭ raźvićcia suśvietnaha rynku nafty i naftapraduktaŭ na najbližejšy čas i siarednieterminovuju pierśpiektyvu, dziejańniaŭ dla apiaredžańnia mahčymych niehatyŭnych tendencyj, reziervaŭ pa pavyšeńni efiektyŭnaści ekspartu naftapraduktaŭ u isnujučych umovach.
Jon taksama pacikaviŭsia, jak vykonvajecca jaho patrabavańnie ab arhanizacyi pastavak nafty, alternatyŭnych rasijskim.
Biełaruś kupiła pieršuju partyju nafty z narviežskaha radovišča
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki8
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary