Lizavieta II padtrymała žadańnie Hary i Miehan pačać samastojnaje žyćcio
Brytanskaja karaleva Lizavieta II padtrymała žadańnie hiercaha i hiercahini Sasiekskich, jakija niečakana dla ŭsich admovilisia ad vykanańnia abaviazkaŭ u jakaści staršych členaŭ karaleŭskaj siamji, piša bbc.com.
Karaleva ŭ paniadziełak sabrała vysokapastaŭlenych členaŭ karaleŭskaj siamji, kab abmierkavać budučuju rolu prynca Hary i Miehan, jakija raniej zajavili, što chočuć stać finansava niezaležnymi.
«Niahledziačy na toje što my b addali pieravahu, kab jany zastalisia paŭnavartasnymi členami karaleŭskaj siamji, my pavažajem i razumiejem ich žadańnie žyć bolš niezaležnym žyćciom i pry hetym zastavacca kaštoŭnaj častkaj našaj siamji», - havorycca ŭ zajavie.
Pa słovach karalevy, na sustrečy była dasiahnutaja damoŭlenaść ab pierachodnym pieryjadzie, na praciahu jakoha Hary i Miehan buduć pravodzić častku času ŭ Kanadzie, a častku — u Vialikabrytanii. Kolki budzie doŭžycca hety pieryjad — nieviadoma.
U sustrečy, akramia karalevy Lizaviety II i jaje ŭnuka prynca Hary, brali ŭdzieł baćka Hary, prync Uelski Čarlz, i starejšy brat prync Uiljam. Mierkavałasia, što žonka Hary Miehan voźmie ŭdzieł u razmovie pa telefonie.
Členy karaleŭskaj siamji pavinny byli abmierkavać nastupstvy admovy Hary i Miehan ad vykanańnia abaviazkaŭ u jakaści staršych členaŭ karaleŭskaj siamji, u pryvatnaści, jakuju sumu jany buduć atrymlivać ad pałaca, tytuły, a taksama detali kamiercyjnych pahadnieńniaŭ, jakija im budzie dazvolena zaklučać.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary