Alaksandr Łukašenka ŭzhadniŭ siońnia pryznačeńnie novych kiraŭnikoŭ miascovych vykanaŭčych orhanaŭ, paviedamlaje BIEŁTA.
Na vakantnuju pasadu pieršaha namieśnika staršyni Homielskaha abłvykankama ŭzhodnieny ciapierašni staršynia kamiteta pa sielskaj haspadarcy i charčavańni Ihar Časnok. Namieśnik staršyni Lidskaha rajvykankama Viktar Praniuk stanie namieśnikam staršyni Hrodzienskaha abłvykankama.
U Połacki rajvykankam pierajedzie staršynia Vierchniadźvinskaha rajvykankama Ihar Markovič. Jaho miesca ŭ Vierchniadźvinsku piarojdzie pieršamu namieśniku, načalniku ŭpraŭleńnia sielskaj haspadarki i charčavańnia Vierchniadźvinskaha rajvykankama Vasilu Šyłavu.
Staršynioj Tałačynskaha rajvykankama stanie Aleh Łyndzin, jaki ŭ 2016-2019 hadach kiravaŭ Dubrovienskaha rajvykankamam. Na pasadu staršyni Naraŭlanskaha rajvykankama ŭzhodnieny Siarhiej Dyluk, zaraz jon namieśnik staršyni Mazyrskaha rajvykankama.
Pieršy namieśnik staršyni Mastoŭskaha rajvykankama, načalnik upraŭleńnia sielskaj haspadarki i charčavańnia Hienadź Šatujeŭ piarojdzie na vyšejšuju pasadu ŭ Kareličy, a namieśnik staršyni Słonimskaha rajvykankama Uładzisłaŭ Hieršhoryn pieraviedzieny kiravać Ašmianskim rajvykankamam.
Na pasadu staršyni Kaściukovickaha rajvykankama ŭzhodnieny Alaksandr Harbačeŭski, ciapierašni namieśnik staršyni, načalnik upraŭleńnia sielskaj haspadarki i charčavańnia Klimavickaha rajvykankama. Pieršy namieśnik staršyni, načalnik upraŭleńnia sielskaj haspadarki i charčavańnia Drybinskaha rajvykankama Siarhiej Ščacki sydzie na pavyšeńnie ŭ Kryčaŭski rajvykankam.
Miascovaja ŭłada taksama abnaviłasia ŭ Homieli i Mahilovie. Pieršy namieśnik staršyni Homielskaha harvykankama Alaksandr Sivakoŭ uzhodnieny na pasadu kiraŭnika administracyi Čyhunačnaha rajona horada. Pasadu kiraŭnika administracyi Kastryčnickaha rajona Mahilova zojmie były deputat Piotr Sałaŭjoŭ: u šostym sklikańni Pałaty pradstaŭnikoŭ jon byŭ namieśnikam staršyni Pastajannaj kamisii pa pramysłovaści, paliŭna-enierhietyčnym kompleksie, transparcie i suviazi.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj31
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary