U Maładziečnie zatrymali machlara, jaki pradavaŭ «redkija» maniety
Fota Taćciany Biełanoh, SK
28-hadovy mužčyna pradavaŭ nibyta maniety i miedali časoŭ Rasijskaj impieryi, piša Rehijanalnaja hazieta.
U pieršym vypadku achviaraj staŭ 57-hadovy mužčyna. Da jaho na vulicy padyšoŭ nieznajomy i pierakanaŭ kupić staradaŭnija maniety nibyta z kaštoŭnych mietałaŭ. Pradaviec raspavioŭ, što paśla ramontu ŭ domie, atrymanym u spadčynu, znajšoŭ skarb. U vyniku paciarpieły addaŭ 150 rubloŭ za try maniety i miedal.
Druhoj paciarpiełaj stała 33-hadovaja žančyna, jakaja kupiła za 160 rubloŭ siem maniet nibyta carskaj čakanki. Jon joj raspavioŭ, što maniety znajšoŭ padčas budaŭničych rabot na abjekcie i nie addaŭ ich zakazčyku, bo toj ź im nie raźličyŭsia.
Kali paciarpiełyja daviedalisia ad śpiecyjalistaŭ, što nabytyja vyraby nie źjaŭlajucca staradaŭnimi i nie ŭtrymlivajuć kaštoŭnych mietałaŭ, jany źviarnulisia ŭ milicyju. Nieŭzabavie pradaŭca znajšli i zatrymali.
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały3
Kamientary