Łukašenka: Miadźviedzieŭ moža asabista pryjechać u Minsk pierad Novym hodam
Alaksandr Łukašenka pravioŭ sustreču z kiraŭnikom Administracyi prezidenta Iharam Siarhiejenka i staršynioj Savieta Respubliki Natallaj Kačanavaj, jakaja raniej pracavała na pasadzie kiraŭnika Administracyi, piša BiełTA
«My zaraz razmaŭlali z premjer-ministram Rasii, — skazaŭ Łukašenka. — I damovilisia, što, akramia ŭsiaho inšaha, dzieści ŭ pieradnavahodnija dni (nie viedaju, jak u nas atrymajecca tut, unutry krainy, u suviazi z maim hrafikam, i ŭ ich ža svoj hrafik, taksama ŭračystaści hetyja) my dzieści sustreniemsia. I nie tolki z prezidentam Rasii, ale zmožam źvieryć hadzińniki i z premjer-ministram. Jość pytańni, jakija datyčać našych uradaŭ. I ja chacieŭ by na peŭnyja temy, kab hetaja razmova ź Dźmitryjem Anatoljevičam (Miadźviedzievym) adbyłasia», — zajaviŭ biełaruski kiraŭnik.
«Jon z zadavalnieńniem pahadziŭsia, što my dzieści pierasiačemsia, znojdziem momant. Kaža, navat i ŭ Minsk moža pryjechać. Dumaju, my znojdziem miesca, dzie sustrecca. Mahčyma, jašče pryjdziecca paśla 20-ha (śniežnia) sustrecca i z prezidentam Rasii, kab užo kančatkova rasstavić kropki nad «i» pa najvažniejšych pytańniach funkcyjanavańnia dźviuch dziaržaŭ i, hałoŭnaje, našych ekanomik», — dadaŭ Łukašenka.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»44
Kamientary