Minčanie i hości stalicy! Pierad vami «Miensk lifehack-mapa». Pad rudoj vokładkaj i pa-za anhielskimi słovami Life-hack chavajecca proćma ŭsiaho karysnaha dla vašaha ŭtulnaha i pryjemnaha isnavańnia ŭ adzinym biełaruskim miehapolisie.
Minčanie i hości stalicy! Pierad vami «Miensk lifehack-mapa» (jaje papiarovy varyjant i multymiedyjny dadatak). Pad rudoj vokładkaj, za anhielskimi słovami Life-hack chavajecca proćma ŭsiaho karysnaha dla vašaha ŭtulnaha i pryjemnaha isnavańnia ŭ adzinym biełaruskim miehapolisie.
Pa-pieršaje, dziakujučy hetaj, niadaŭna vydadzienaj mapie možna lohka i chutka znajści takija redkija ŭ horadzie hramadskija prybiralni. Viadoma, šmat chto skaža, što najpierš patrebnyja mapy kalcavych daroh stalicy ci kulturnych ustanovaŭ. Heta tak, ale pahadziciesia, u žyćci kožnaha čałavieka nastupaje taki momant, kali jamu nie da mastactva.
Termin «łajfchakinh» vynajšaŭ u 2004 hodzie brytanski žurnalist Deni O'Brajen. Jon złučyŭ słova life/žyćcio i viadomaje biełarusam pa terminie «chakier» słova hack/uzłom. Łajfchakinh pa sutnaści źjaŭlajecca naboram karysnych paradaŭ, ci navat nievialičkich chitrykaŭ, jakija dazvalajuć z najmienšymi vydatkami (maralnymi i materyjalnymi) raźviazvać raznastajnyja žyćciovyja i pobytavyja prablemy. Jak to: jak by tak pamienš prabavicca ŭ čarzie, jak maha chutčej atrymać svaju vypiŭku ŭ bitma-nabitkavanym pabie, jak zapomnić PIN-kod u mabilniku i da t.p.
I voś łajfchakinh u vyhladzie papiarovaj mapy i multymiedyjnaha dysku dakaciŭsia da Biełarusi. Aprača prybiralniaŭ pa «Miensk lifehack-mapie» možna vyznačyć:
— dzie biaśpiečna prakacicca pa vieładarožcy i dzie pryparkavać svoj rovar (nie zabyvajcie Minsku daloka da Amsterdamu, hetkaj viełasipiednaj Miekki ź vieładarožkami na kožnym kroku).
— dzie ŭvatknuć vypadkova ŭziaty na prahułku noŭt-buk u biaspłatnuju elektryčnuju łyčku (Piacidziesiacihadovyja, niama čaho śmiajacca!)
— dzie tanna i stylna apranucca ŭ sekand-chendzie (u hetyja kramy časam traplajuć davoli jakasnyja rečy).
— dzie smačna i tanna paabiedać (a ŭ viedamstviennych stałoŭkach ceny
navat ciapier, u čas kryzisu, zastajucca nievysokimi).
Stvaralnikami mapy nie zabytyja j ramantyčnyja natury. Ź jaje možna daviedacca, dzie ŭ Minsku jašče zastalisia niezačynienyja vychady na dachi, a amatary šopinhu pad zorami daviedajucca pra miescaznachodžańnie minskich načnikoŭ (tak, ujavicie, u Minsku kruhłasutačna pracujuć nie tolki «Jeŭrapiejski» i «Prestan»).
Da mapy prykładzieny dysk. Jon nie tolki dubluje mapu, ale i vizualizuje jaje (videaroliki, zdymki). Da taho ž, kružełka poŭnicca artykułami zroblenymi ŭ takim ža jak i mapa daradčym, lifehack'aŭskim, style, dzie maładomu čałavieku raspaviadajuć, dzie i jak u Minsku možna znajści pracu, dzie tańniej kupić vopratku i h.d.
Dysk z hramadskakarysnaj mapaj možna biaspłatna atrymać u mastackich halerejach (naprykład u «Padziemcy») i centralnych kaviarniach. Stvaralniki mapy, vydaŭcy časopisu «34», łaskava zaprašajuć achvočych «zabambić padobnuju mapu dla svajho horadu ci miastečka».
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Kamientary