Unačy 30 listapada ŭ haradskim pasiołku Krasnapolle, što na Mahiloŭščynie, pasvarylisia dvoje bratoŭ. Skončyłasia ŭsio zabojstvam.
Leanid i Andrej Rubany žyli ŭ adnym domie z maci.
Leanidu było 38 hadoŭ. Jon raźviedzieny, mieŭ dačku-padletka. Byŭ drobnym pradprymalnikam, zajmaŭsia pasažyrskimi pieravozkami, mieŭ atrakcyjony ŭ miascovym parku: uletku vystaŭlaŭ batuty, dziciačyja mašynki.
Andrej maładziejšy na hod, jon, kažuć, časam padpracoŭvaŭ u brata. Ale stałoj pracy nie mieŭ, žyŭ za košt mamy i Leanida.
Žanaty Andrej nie byŭ — nie było kali, mužčyna dva razy siadzieŭ za ciažkija złačynstvy.
Čas ad času Andrej vypivaŭ. Jaho starejšy brat Leanid nie dakranaŭsia ani da ałkaholu, ani da cyharet, raskazvajuć u Krasnapolli.
U toj viečar, 30 listapada, Andrej trochi vypivaŭ sa znajomymi i mamaj ( jana, praŭda, nie piła), pakul brata nie było doma. Paśla jany pajšli da inšaha brata, tam pasiadzieli ŭ łaźni.
Andrej skazaŭ maci: načuj užo tut, u svajaka, što tabie iści pa choładzie. A sam viarnuŭsia dadomu, dzie i sustreŭ Leanida.
Braty pasvarylisia. Chodziać čutki, što pryčynaj svarki staŭ dom: braty, maŭlaŭ, pačali jaho dzialić. Inšaja viersija, što, mahčyma, starejšy brat upiknuŭ małodšaha praź jaho ład žyćcia.
Praŭda, dakładnaja pryčyna svarki nieviadomaja. U tuju noč braty byli doma adny, maci nie było. Dy i svarylisia jany niaredka, kažuć znajomyja.
U vyniku Andrej uziaŭ strelbu i zabiŭ starejšaha brata.
«Padčas svarki padazravany dastaŭ niezarehistravanuju palaŭničuju strelbu i zrabiŭ adzin streł u hrudzi paciarpiełamu. Ad atrymanych cialesnych paškodžańniaŭ mužčyna pamior na miescy zdareńnia», — paviedamiŭ Śledčy kamitet.
Paśla zabojstva Andrej prosta siadzieŭ na hanku i čakaŭ, pakul chtości pryjdzie, raskazvajuć znajomyja siamji Rubanaŭ. U dom zavitali svajaki, Andrej skazaŭ im: «Dapamažycie!».
Svajaki zajšli ŭ dom, tam na padłozie la łožku lažała cieła Leanida. Jany i vyklikali milicyju.
Raniej Andrej užo byŭ sudzimy za zabojstva i rabaŭnictva.
«Miascovaha žychara zarezaŭ, štości tam jany nie paładzili…. Siadzieŭ, zdajecca, 14 hadoŭ. Da hetaha jašče siadzieŭ: kahości pabiŭ i hrošy adabraŭ», — raskazaŭ «Našaj Nivie» znajomy Rubanaŭ.
Andrej Ruban vyjšaŭ na volu ŭ 2017 hodzie. Praŭda, źniavoleńnie jaho nie vypraviła.
«Chtości jedzie ŭ turmu pakutavać, a ja tam navat vielmi dobra adpačyŭ!…», — napisaŭ Andrej na svajoj staroncy ŭ sacsietkach.
Ciapier jon pad vartaj, nieŭzabavie adpravicca na čarhovy «adpačynak»: mužčynu pahražaje pažyćciovaje ci navat rasstreł.
Jaho brata Leanida pachavali 2 śniežnia.
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary