Łukašenka: Kali nie padabajecca, jak vybary arhanizuje prezident, možacie vybrać novaha. Ja śsiniełymi palcami trymacca za kresła nie budu
Kiraŭnik dziaržavy siońnia prakamientavaŭ pravakacyi padčas kampanii i vybaraŭ, piša Tut.by
— Ja viedaju 6 vypadkaŭ, kali pastupili takim čynam. U nas jany zadakumientavanyja, i my z hetymi ludźmi raźbiaremsia pa zakonie. Ja prosta ciapier prašu ludziej nie stvarać prablem. Treba paciarpieć. Praviadziem vybary i raźbiaremsia. Ja addaŭ rasparadžeńnie milicyi i śpiecsłužbam spyniać žorstka takija rečy. Členy kamisij ad mianie atrymajuć žaleznuju abaronu. Ja vielmi chutka mahu zaklikać da adkazu, vy viedajecie mianie nie pieršy hod.
«Heta repietycyja hałoŭnych vybaraŭ, — ličyć Łukašenka. — Jany [pravakatary] macajuć, sprabujuć na zub — na płoščach i ŭčastkach. Jany cisnuć na našych ludziej [členaŭ vybarčych kamisij] — a heta prostyja daktary, nastaŭniki, inžyniery… My svaju krainu nikomu nie addamo. Heta naša kraina. My jaje budziem abaraniać i našych ludziej jak maje być — pa zakonie».
Łukašenka zajaviŭ, što «zakłapočany, jak buduć acenieny vybary. Pieražyvaju, jak usprymuć našy vybary … Ale ja z hetaj nahody «parycca» nie pryvyk. My pravodzim vybary dla siabie, pa našych zakonach. Kali hramadstvu nie padabajecca, jak heta arhanizuje prezident, u nastupnym hodzie zmohuć abrać novaha. Ja śsiniełymi palcami za kresła trymacca nie budu…
Hałoŭnaje, kab hetyja vybary byli ŭ adpaviednaści z našym zakanadaŭstvam. Rekamiendacyi BDIPČ ABSIE? Ich nichto ŭ śviecie nie słuchaje. A voś my surjozna ŭsprymajem ich mierkavańnie. Demakratyja? Ale padmanvać narod dziela niejkich partyj my nie budziem».
Razam z tym Łukašenka abviaściŭ, što voźmie ŭdzieł u nastupnych vybarach u 2020 hodzie.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»59
Kamientary