Kurdski hienierał Mazłum Abdzi, kamandujučy farmiravańniami «Siryjskich demakratyčnych sił» pryhraziŭ Złučanym Štatam źviarnucca pa dapamohu da siryjskich uład i Rasii, kali Vašynhton nie spynić apieracyju Turcyi, piša CNN.
«Vy nie chočacie abaraniać ludziej, ale vy taksama nie chočacie, kab pryjšła inšaja siła, jakaja b abaraniła nas. Vy pradali nas. Heta amaralna», — cytuje telekanał słovy kurdskaha hienierała.
Abdzi nastojvaŭ, kab ZŠA albo spynili apieracyju Turcyi, albo dazvolili kurdam zaklučyć ździełku z uradam Siryi i Rasijaj, dazvoliŭšy rasijskim vajennym samalotam ustalavać biespalotnuju zonu nad paŭnočna-ŭschodniaj Siryjaj, što pieraškodzić Turcyi nanosić ŭdary pa siryjskaj terytoryi.
«Mnie treba viedać, ci zdolnyja vy abaranić moj narod, spynić hetyja bomby, što padali na nas, ci nie. Mnie treba viedać, tamu što kali nie, mnie treba zaklučyć ździełku z Rasijaj i režymam zaraz i zaprasić ich samaloty, kab abaranić hety rehijon», — skazaŭ Abdzi pradstaŭniku ZŠA ŭ mižnarodnaj kaalicyi pa baraćbie z «Isłamskaj dziaržavaj».
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje18
Kamientary