Śledčy kamitet zakryŭ kryminalnuju spravu ŭ dačynieńni da praciŭnika akumulatarnaha zavoda ŭ Breście
Brescki mižrajonny adździeł Śledčaha kamiteta spyniŭ kryminalny pieraśled aktyvista kampanii pa baraćbie z akumulatarnym zavodam Majsieja Maźko. Pastanova datujecca 3 vieraśnia, atrymaŭ jaje na ruki aktyvist 4 kastryčnika, paviedamlaje Bresckaja hazieta.
Aktyvist padazravaŭsia ŭ tym, što pry niavyśvietlenych abstavinach niezakonna nabyŭ 30 spartyŭna-palaŭničych patronaŭ, jakija źjaŭlajucca bojeprypasami da pistaletaŭ, palaŭničych vintovak i karabinaŭ, kambinavanych palaŭničych strelbaŭ, i niezakonna zachoŭvaŭ ich u aŭtamabili. Nahadajem, 2 krasavika hetaha hoda patrony byli znojdzienyja padčas ahladu mašyny, za rulom jakoj byŭ Maźko. Jaho zatrymali, a 3 krasavika zaviali kryminalnuju srpavu.
Majsiej Maźko svaju vinu nie pryznavaŭ ź pieršaha dnia. Jon zajaviŭ, što nie viedaŭ, što ŭ mašynie zachoŭvajucca bojeprypasy. Aŭtamabil naležyć žanočamu manastyru, u jakim Majsiej Ściapanavič słužyć ekanomam.
Akramia Majsieja Maźko, padazravanym pa hetaj kryminalnaj spravie prachodzili jaho syn Dzianis i jašče dva čałavieki. Termin papiaredniaha śledstva niekalki razoŭ praciahvaŭsia, ale vinu padazravanych dakazać nie ŭdałosia.
Žychar vioski Telmy Bresckaha rajona Majsiej Maźko źjaŭlajecca ŭdzielnikam inicyjatyŭnaj hrupy suprać budaŭnictva akumulatarnaha zavoda pad Brestam. Jon byŭ siarod pieršych, chto pačaŭ baraćbu z budaŭnictvam kala horada hetaha pradpryjemstva.
Ciapier čytajuć
Łatuška pieramoh usich na vybarach u Kaardynacyjnuju radu13
Łatuška pieramoh usich na vybarach u Kaardynacyjnuju radu
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary