U minskich aptekach źnikli jodaŭtrymalnyja preparaty. Pradstaŭnik vytvorcy abiacaje pastaŭki ŭžo ŭ kastryčniku, piša Tut.by.
— Ja ciažarnaja — zdavała analizy ŭ paliklinicy i razhavaryłasia ź dziaŭčynaj. Jana kaža: «Vy ŭ kursie, što ŭ Minsku niama «Jodamarynu»? Ja kažu: «Jak?» Ja prymaju «Jodamaryn», i šmat jakim ciažarnym jaho pryznačajuć. U mianie zastałosia try tabletki, ja chadžu i šukaju pa aptekach. Pytałasia anałahi, ale i ich niama. U vyniku ciapier paprasiła svajakoŭ u Biarozie, kab jany kupili, i nie fakt, što jany znojduć, u aptekach — reštki, — raspaviadaje Hanna Laŭkova.
Na servisie tabletka.by pakazana, što i «Jodamarynu», i «Jodbałansu» u Minsku niama. U rehijonach «Jodamaryn» jość, «Jodbałans» servis prapanuje kupić tolki ŭ Vilejcy, Rahačovie, Łojevie i Naroŭli.
U daviedačnaj aptek 169 taksama paćvierdzili, što ŭ stalicy ŭ najaŭnaści niama ni «Jodamarynu», ni «Jodbałansu».
— Ničoha niama. Jość tolki substancyja-parašok kaliju jodyd, — kažuć tam.
U sietki aptek «Dobryja leki» raspaviali, što ŭ najbližejšy čas pastaŭki «Jodamarynu» adnoviacca.
— Pakul ža prapanujem vykarystoŭvać inšyja preparaty, jakija źmiaščajuć jod, ale ŭsio ž raim spačatku prakansultavacca z doktaram, — kažuć tam.
Vytvorca «Jodamarynu» — niamieckaja kampanija Berlin-Chemie AG. U minskim pradstaŭnictvie raspaviali, što preparat źjavicca ŭ aptekach užo ŭ kastryčniku.
- Čamu jaho niama, pa telefonie my raspavieści nie zmožam. My ciapier pracujem nad tym, kab adpravić pieršyja mašyny, tavar užo jość i ŭ samy najbližejšy čas źjavicca ŭ aptekach.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje8
Kamientary