10 vieraśnia — aŭtohraf-siesija Viktara Marcinoviča ŭ «Akademknizie»
Kniharnia «Akademičnaja kniha» (pr. Niezaležnaści, 72). Pačatak a 18.30.
«Akademkniha» zaprašaje 10 vieraśnia ŭ 18.30 na aŭtohraf-siesiju piśmieńnika Viktara Marcinoviča. Aŭtar prapanuje novaje vydańnie ramana «Sfahnum» i raman «Noč» na ruskaj movie.
«Sfahnum»: raman — 2-je vydańnie
Troje maładych złačyncaŭ zabivajuć padzielnika i hublajuć čužyja hrošy, jakija ciapier daviadziecca viartać luboj canoj. Jany vyrašajuć zalehčy na dno ŭ maleńkaj vioscy, ratujučysia adnačasova ad kredytoraŭ i kryminalnaha vyšuku. I ŭsio pajšło b pavodle zadumy, kali b nie źniešnie paŭmiortvaja biełaruskaja vieska ź jaje nieŭmiručaj pahanskaj mistykaj, jakaja padkazvaje niečakanaje raźviazańnie prablemy. Hieroi za paŭkroku ad ščaślivaha finału, ale ci nie zarana hladzieć u nieba, kali pad nahami — bahna?
«Mova»: raman — 3-je vydańnie
Minsk, 4741 hod pa kitajskim kalendary. Časy Smutku skončylisia, nadyšła era ŭzvyšeńnia Sajuznaj dziaržavy Kitaja i Rasii, bieskłapotnych uciechaŭ, šopinh-relihii i cold sex'u. Adnak isnuje Niešta, čaho ŭ hetym hramadstvie sucelnaha dabrabytu nie staje jak vady i pavietra. Sientymientalny kantrabandyst Siaroža pad stracham śmiarotnaha pakarańnia ŭvozić kaštoŭny skarb z-za miažy i apynajecca pad pilnym kantrolem minskaha padpolla, uznačalenaha kitajskaj mafijaj pad kiraŭnictvam tajamničaj Ciotki. Razam jany sprabujuć złamać sistemu, u jakoj dabro i zło, aśvietniki i złačyncy, kachańnie i spažyvańnie, viernaść i zdrada pamianialisia miescami.
Ci možacie vy ŭjavić Biełaruś bieź Biełarusi? Hety raman — strašny son pra budučyniu, praduchilić jakuju možna tolki ŭ łučnaści z tym skarbam, vakoł jakoha i raspačynajecca dziejańnie hetaha linhvistyčnaha bajevika.
«Noč»: raman — aryhinał i aŭtarski pierakład ź biełaruskaj
«Noč» - heta i antyŭtopija, i raman-traviełoh, i raman-hulnia. Śviet zanuryŭsia ŭ biaskoncuju chałodnuju noč. U volnym horadzie Hrušaŭka vada pa raskładzie, adzinaja hazieta «Hazieta» pierapisvajecca pad kapirku i nie pracuje kompas. Hałoŭny hieroj Knižnik - uładalnik adzinaj u horadzie biblijateki i apošniaha sabaki. Uziaŭšy kartu novaha śvietu i tom Hieradota, Knižnik adpraŭlajecca na pošuki kachanaj žančyny, jakaja ŭ momant błekautu apynułasia ŭ Niepale.
Nabyć hetaje dy inšyja novyja vydańni i biestsielery, možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary