Alaksandr Łukašenka zapatrabavaŭ zabiaśpiečyć padrychtoŭku da škoły ŭsich biez vyklučeńnia dziaciej. Pra heta jon zajaviŭ siońnia, prymajučy z dakładam ministra adukacyi Ihara Karpienku, paviedamlaje BiełTA
«Dzieci iduć u škołu. Samaje hałoŭnaje majo patrabavańnie ŭ hetyja dni — dzieci pavinny być adnolkavymi — jany pavinny być dobra apranutyja (ja nie kažu, što adnolkava apranutyja, ale dobra apranutyja).
Chto tańniej, chto bahaciej. My bahatych nie prymusim apranać svaich dziaciej praściej. Kali jany chočuć apranuć niejak lepiej (moža, u ich kaściumy buduć ź niejkich impartnych tkanin abo kašuli niejkija inšyja i halštuki), heta ich prava. Ale ŭsio dzietki pavinny być prystojna apranutyja, pryjści z prystojnymi partfielami u škołu. I hetak dalej», — skazaŭ kiraŭnik dziaržavy.
«Tamu treba ŭ astatnija dni źviarnuć asablivuju ŭvahu na tych, chto z-za peŭnych abstavinaŭ nie moža nadać dastatkova ŭvahi svaim dzietkam. Heta voś takoje čałaviečaje da vas patrabavańnie», — dadaŭ jon.
Karystajučysia vypadkam, Alaksandr Łukašenka adznačyŭ, što jon tradycyjna źviartaje ŭvahu na pytańni ŭ školnaj adukacyi.
«Dzieci iduć u škołu. Zvyčajnaje patrabavańnie. I kab znoŭ našy «śviadomyja» nie paličyli, što prezident pieradvybarčuju kampaniju pravodzić i hetak dalej. Ja prosta chaču, vypadak pradstaviŭsia, skazać, što ja ŭ parłamient nie źbirajusia abiracca. Tamu nijakaj pieradvybarnaj kampanii asabista ŭ prezidenta niama i być nie moža», — padkreśliŭ jon.
«A toje, što ŭ krainie parłamienckija vybary, ja jak kiraŭnik dziaržavy (ź mianie abaviazki nichto nie zdymaŭ) pavinien zajmacca hetymi palityčnymi rečami. Pa vialikim rachunku, kaardynavać hetuju pracu. Ni dla kaho nie sakret. Ja heta da taho skazaŭ, što nie chaciełasia b, kab i heta sustreča była aformlena pierš za ŭsio tak zvanymi śviadomymi, jak pieradvybarnaja niejkaja kampanija. Ja zaŭsiody cikaŭlusia situacyjaj u škołach. Prytym publična heta rablu ŭ roznych formach», — dadaŭ biełaruski kiraŭnik.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?17
Kamientary