Mužčyna ažaniŭsia ź niepaŭnaletniaj dziaŭčynaj, ale ŭsio roŭna atrymaŭ termin za seks ź joj
Sud Vilejskaha rajona vynies pryhavor 28-hadovamu žycharu Miadzielskaha rajona, jaki byŭ u pałavoj suviazi ź niepaŭnaletniaj dziaŭčynaj ź Vilejki, paviedamlaje kraj.by
Kali maładyja ludzi paznajomilisia ŭ 2017 hodzie, dziaŭčynie było 15 hadoŭ. Mužčynu — 26. U intymnuju suviaź para ŭstupała pa ŭzajemnaj zhodzie na praciahu 2017-2018 hadoŭ.
Praz hod paśla znajomstva mužčyna byŭ pryhavorany da abmiežavańnia voli za złačynstva suprać ułasnaści i ŭchilaŭsia ad adbyćcia pakarańnia.
U sudovym pasiadžeńni fihurantu stavilisia ŭ vinu dva artykuły Kryminalnaha kodeksa — «Pałavyja znosiny z asobaj, jakaja nie dasiahnuła šasnaccacihadovaha ŭzrostu, ździejśnienaje paŭtorna» i «Uchileńnie ad adbyćcia pakarańnia ŭ vyhladzie abmiežavańnia voli». Abodva złačynstvy karajucca tolki pazbaŭleńniem voli.
Dziaržaŭnaje abvinavačańnie ŭ sudzie padtrymlivała pamočnik prakurora Vilejskaha rajona Natalla Strež. Jana raspaviała:
— Mužčyna całkam pryznaŭ svaju vinu pa ŭsich złačynstvach. Kazaŭ, što raskajvajecca i škaduje. Sud uličyŭ heta jak abstaviny, jakija źmiakčajuć pakarańnie. Da taho ž, abvinavačany ažaniŭsia ź dziaŭčynaj, ź jakoj ustupaŭ u pałavuju suviaź.
16 lipienia ŭ maładoj pary naradziŭsia chłopčyk. Najaŭnaść małaletniaha dziciaci na ŭtrymańni taksama źmiakčyła vinu.
Natalla Strež prasiła sud pryznačyć pakarańnie ŭ vyhladzie 4 hadoŭ pazbaŭleńnia voli.
Sud pa sukupnaści złačynstvaŭ prysudziŭ abvinavačanaha da 3 hadoŭ 2 miesiacaŭ pazbaŭleńnia voli ŭ papraŭčaj kałonii va ŭmovach ŭzmocnienaha režymu i da štrafu 70 bazavych vieličyń (1 785 rubloŭ). Pad vartu mužčynu ŭziali ŭ zale suda.
Prysud moža być abskardžany i apratestavany ŭ Minski abłasny sud va ŭstanoŭlenym zakonam paradku.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi3
Kamientary