Padazravany — 21-hadovy chłopiec, jaho zatrymali. Siarod zahinułych troje hramadzian Mieksiki. Palicyja rascaniła toje, što zdaryłasia, jak złačynstva na hlebie nianaviści, paviedamlaje RBK.
U vyniku stralaniny ŭ handlovym centry ŭ horadzie El-Pasa (štat Techas) u subotu, 3 žniŭnia, zahinuli 20 čałaviek, jašče bolš za 20 atrymali ranieńni, paviedamiŭ hubiernatar štata Hreh Ebat, pieradaje CNN.
Troje zahinułych — mieksikancy, jašče šeść hramadzian hetaj krainy paciarpieli, paviedamlaje Reuters sa spasyłkaj na prezidenta Mieksiki Andresa Manuela Łopiesa Abradora i MZS dziaržavy.
Padazravany byŭ zatrymany, im akazaŭsia 21-hadovy Patryk Kruzius. Strałok trapiŭ na kamiery videanazirańnia, na kadrach bačna, jak jon zachodzić u budynak sa zbrojaj u rukach.
U sacsietkach raspaŭsiudzili manifiest, nibyta napisany strałkom. Aŭtar dakumienta vystupaje suprać mihrantaŭ i kaža pra simpatyi da strałka z Novaj Ziełandyi, jaki zabiŭ 51 čałavieka ŭ sakaviku hetaha hoda, piša The Washington Post. Krynicy CNN śćviardžajuć, što pravaachoŭniki vyvučajuć manifiest, pakul nie paćvierdžana, što jaho aŭtaram źjaŭlajecca Kruzius.
Paśla stralby Facebook vydaliŭ akaŭnty padazravanaha.
Hienprakuror Techasa Kien Pakstan zajaviŭ, što jaho nie ździvić, kali aŭtaram manifiestu apyniecca padazravany. «Ja dumaju, heta moža pralić śviatło na toje, čamu jon heta zrabiŭ», — skazaŭ Pakstan u efiry CNN.
Napadnika ŭziali pad vartu «bieź incydentaŭ». Pradstaŭnik palicyi El-Pasa Robiert Homies ličyć, što bolšaść achviar byli zabityja ŭ budynku handlovaha centra. Pavodle jaho słoŭ, padčas incydentu tam znachodzilisia kala 3 tysiač čałaviek.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary