Na konkursie «Mis Viva Braslav» pieramahła biełaruskamoŭnaja studentka z BDEU FOTY
Na open-ejry «Viva Braslav» vybrali svaju karalevu pryhažości. Pieramožcaj stała Vieranika Adamovič — biełaruskamoŭnaja studentka BDEU.
Vieranika rodam z Hłybokaha. Vučycca na markietołaha-ekanamista. Na konkursach pryhažości jana ŭdzielničała i dahetul.
— Pieršy byŭ «Mis BDEU», tam ja pieramahła i pryjšła na konkurs «Karaleva Viasna», dzie dajšła da mižnarodnaha etapu, — raskazvaje Vieranika.
Na «Mis Viva Braslav» jana vyrašyła padać zajaŭku, kali ŭbačyła, što pieršaje miesca tam letaś zaniała znajomaja ŭdzielnica «Karalevy Viasna». «Padumała pra siabie: moža, u mianie taksama atrymałasia b u hetym konkursie pieramahčy, — uśmichajecca Vieranika. — I prosta kłasnaje mierapryjemstva «Viva Braslav» — ja nikoli na im nie była raniej, choć i žyvu ŭ Hłybokim».
U finale dziaŭčyna abyšła 14 kankursantak. Pieramožca atrymała 1000 rubloŭ i pajezdku na konkurs pryhažości ŭ Italiju ŭ vieraśni.
Rodnuju movu Vieranika dobra viedaje jašče sa školnych hadoŭ.
— Ja vučyłasia ŭ biełaruskamoŭnaj himnazii, u mianie była cudoŭnaja nastaŭnica biełaruskaj movy i litaratury, jakaja pryščapiła luboŭ da ŭsiaho rodnaha. Taksama ŭdzielničała ŭ alimpijadzie, tamu dobra viedaju biełaruskuju movu i razmaŭlaju na joj.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary