Padpisany zakon ab źmienach u Pracoŭny kodeks: jość niekalki istotnych novaŭviadzieńniaŭ
Alaksandr Łukašenka padpisaŭ Zakon «Ab źmianieńni zakonaŭ», jakim unosiacca źmianieńni ŭ Pracoŭny kodeks. Pryniaćcie Zakona nakiravana na stvareńnie ŭmoŭ dla efiektyŭnaj i hnutkaj zaniataści hramadzian i pašyreńnie sacyjalna-pracoŭnych harantyj rabotnikaŭ, paviedamlaje pres-słužba kiraŭnika krainy.
Dakumientam praduhledžana rehulavańnie paradku časovaha pieravodu sa zhody rabotnika na inšuju pracu, u tym liku da inšaha najmalnika.
Pamier vychadnoj dapamohi pavialičany da adnaho siaredniamiesiačnaha zarobku, kali zvalnieńnie rabotnika adbyłosia pa pryčynie niapoŭnaha pracoŭnaha času (mienš za pałovu normy). Ustalavany miesiačny termin papiaredžańnia rabotnika ab źmianieńni istotnych umoŭ pracy. Dadziena mahčymaść pracavać pa sumiaščalnictvie poŭny pracoŭny dzień abo źmienu ŭ pieryjad pracoŭnaha adpačynku.
Navacyjaj Zakona źjaŭlajecca ŭklučeńnie ŭ Pracoŭny kodeks novaha raździeła, jaki rehuluje adnosiny rabotnika i najmalnika pry vykanańni dystancyjnaj pracy.
Prymianieńnie hetaj formy pracoŭnych adnosin stała mahčymym dziakujučy raźvićciu infarmacyjnych technałohij. Dystancyjnaja praca zručnaja dla abodvuch bakoŭ pracoŭnych adnosin. Najmalniku nia treba abstalavać pracoŭnaje miesca, a supracoŭnik moža vykonvać rabotu ŭ lubym miescy, dzie jamu zručna.
Zamacoŭvajucca dadatkovyja sacyjalna-pracoŭnyja harantyi. Heta, naprykład, pradastaŭleńnie tatam pa ich žadańni adpačynku (da 14 kalandarnych dzion) pry naradžeńni ŭ siamji dziciaci.
Z metaj zabieśpiačeńnia pracoŭnych pravoŭ rabotnikaŭ zakon praduhledžvaje, što pa damovie bakoŭ 5-hadovy kantrakt z rabotnikam, jaki nie dapuskaje parušeńniaŭ dyscypliny, budzie praciahvacca da zakančeńnia maksimalnaha terminu jaho dziejańnia.
A novy kantrakt z takim rabotnikam budzie zaklučacca na termin nie mienš za try hady. Na mienšyja terminy kantrakty buduć praciahvacca i zaklučacca novyja tolki ź piśmovaj zhody rabotnika.
Akramia taho, u Pracoŭnym kodeksie zamacavany normy, jakija praduhledžvajuć, što materyjalnaja adkaznaść budzie nastupać adnolkava i dla tych, chto pracuje pa kantrakcie, i dla tych, chto pa pracoŭnaj damovie, tolki za naŭmysnaje pryčynieńnie majomasnaj škody.
Zakon ustupić u siłu praz šeść miesiacaŭ paśla jaho aficyjnaha apublikavańnia.
Kamientary