Da 25 žniŭnia biełarusy mohuć pahladzieć remejk multfilma «Karol Leŭ».
Jaho pačali zdymać jašče ŭ 2017 hodzie. Film projdzie pad słohanam «Karol viartajecca».
Pavodle dadzienych ab prahladach tyziera i trejlera da novaha «Karala Lva» i tempaŭ papiarednich prodažaŭ kvitkoŭ na prahlad, hetaja praca stała druhoj pa papularnaści za hod, adrazu ž paśla «Mściŭcy: Finał».
Vodhuki pra stužku roznyja. Chtości chvalić film, a chtości kaža, što Disney vyrašyŭ hetaj karcinaj padzarabić na ščyrych pačućciach hledačoŭ, ale samomu novamu filmu pačućciovaści brakuje. Zatoje techničny bok — daskanały. Jakasnaja karcinka i huk, padčas prahladu stanovicca ciažka adčuvać miažu pamiž kampjutarnaj hrafikaj i dobra adźniatymi filmami Discovery.
Takim čynam, rejtynh na Rotten Tomatoes — 6.45 z 10.
Pra što film? Dziejańnie razhortvajecca ŭ afrykanskaj savanie i raspaviadaje pra maładoha lva pa imi Simba, jaki straciŭ svajho baćku Mufasa praz złoha dziadźku Šrama i byŭ vyhnany z prajdu ŭ dalokija krai pustyni. Praz hady jon viartajecca, kab viarnuć sabie tron. Znajomyja ź dziacinstva hieroi stalejuć, spaznajuć siabie i navakolny śviet, pamylajucca, ale ŭsio ž robiać pravilny vybar.
Dzie kupić kvitki? Zrabić heta možna na našaj Afišy. My prapanujem hladzieć filmy ŭ Artkinateatrach (HC «Jeŭropa» i «Tytan»), bo jany sapraŭdy kłasnyja. Sučasnaja technika, zručnaje abstalavańnie — tut jość usio dla kamfortnaha prahladu.
Košt: 6.00 — 10.00 BYN.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary