U Polščy raskryli asnoŭnyja pałažeńni novaj mihracyjnaj palityki: buduć pieraciahvać pracoŭnuju siłu
MUS Polščy prapanuje, kab novaja mihracyjnaja palityka krainy zasiarodziłasia na siońniašnich prablemach rynku pracy, pakolki ŭ najbližejšaj budučyni Polščy moža spatrebicca značnaje pavieličeńnie prapanovy pracoŭnaj siły. Jak paviedamlaje «Polskaje radyjo», pra heta havorycca ŭ dakumiencie «Mihracyjnaja palityka Polščy», apracavanym Ministerstvam unutranych spraŭ i administracyi.
Meta dakumienta — adkazać na patreby ekanamičnaj palityki pry pošuku zamiežnych rabotnikaŭ z adpaviednymi kampietencyjami dla zapaŭnieńnia čałaviečaha resursu na rynku pracy.
Dakumient taksama vyznačaje śfiery, u jakich treba ŭzmacnić miechanizmy, jakija pavinny pavialičyć biaśpieku dziaržavy, asabliva ŭ pracesie procidziejańnia i baraćby ź niezakonnaj mihracyjaj, a taksama ŭ situacyi ŭzmacnieńnia patoku pracoŭnych imihrantaŭ.
Na pohlad aŭtaraŭ stratehii, imihracyjnaja palityka Polščy pavinna zasiarodzicca na cykličnaj i karotkačasovaj imihracyi, heta značyć być zasiarodžanaj na ciapierašnich patrebach rynku pracy, z asablivym ulikam niedachopu ŭ kampietencyi, z zaachvočvańniem da viartańnia palakaŭ z uschodu, a taksama stvareńniem sistemy intehracyi i asimilacyi zamiežnikaŭ, jakija płanujuć zastacca ŭ Polščy.
«U toj ža čas mihracyjnaja palityka pavinna być padparadkavana pryncypam biaśpieki dziaržavy i efiektyŭna praduchilać złoŭžyvańni i parušeńni, jakija supravadžajuć mihracyjnyja pracesy i zmahacca ź imi», — havorycca ŭ dakumiencie.
Kali ŭ budučyni demahrafičnaja situacyja Polščy nie palepšycca i nie budzie adčuvalnych vynikaŭ u viartańni palakaŭ z emihracyi i maštabach repatryjacyi, to ŭ suviazi sa źmienami demahrafičnaj situacyi treba taksama razhledzieć mahčymaść aktyŭnych mier dla mihracyi z metaj pierasialeńnia «z vybranych krain».
«Miechanizmy adboru pavinny ŭličvać jak kvalifikacyju zamiežnikaŭ, tak i faktary, jakija dapamahajuć u ich intehracyi, a zatym asimilacyi, jany taksama pavinny dazvolić časovaje prypynieńnie abo abmiežavańnie patoku zamiežnikaŭ u miežach asobnych mihracyjnych kanałaŭ», — havorycca ŭ dakumiencie.
Mihracyjnaja palityka pavinna pravodzicca ŭ adpaviednaść z kancepcyjaj panujučaj kultury, jakaja ŭvodzić imihrantam vyznačanyja miežy funkcyjanavańnia ŭ dziaržavie, a nie pavodle madeli multykulturnaści.
Mihracyjnuju palityku Polščy pavinien jašče zaćvierdzić urad Polščy. Dakumient treba abnaŭlać kožnyja try hady.
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca4
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1010
Kamientary