Bai robataŭ, VR i kvest-boksy — u Minsku adkrylisia biaspłatnyja hulniavyja zony
U Minsku adkrylisia biaspłatnyja hulniavyja zony, dzie Priorbank i Visa ładziać čempijanat Fun for fans siarod zaŭziataraŭ Jeŭrapiejskich hulniaŭ. Na troch placoŭkach — Pałac sportu, «Minsk-Arena» i «Čyžoŭka-Arena» — kožny achvotny moža pastavić ułasny rekord i pazmahacca za pryzy, u tym liku kvitki na cyrymoniju zakryćcia Hulniaŭ.
Siarod aktyŭnaściej — bai robataŭ, virtualnaja lohkaja atletyka i badminton, honki na interaktyŭnych rovarach i anłajn-viktaryna.
Kab stać udzielnikam, nieabchodna prajści rehistracyju na adnoj z hulniavych placovak i atrymać u administratara kartku z asabistym numaram. Paśla hetaha možna ŭdzielničać u virtualnych spabornictvach i zarablać bały. Maksimalny vynik na kožnym z punktaŭ — 100 bałaŭ.
Tyja, chto nabiaruć najbolšuju kolkaść ačkoŭ, atrymajuć padarunki i zvańnie rekardsmienaŭ siarod zaŭziataraŭ. Priorbank uznaharodzić čempijonaŭ 29 červienia.
Dla zručnaści raspracavany mabilny dadatak, kudy možna zajści z dapamohaj QR-koda na kartcy. U im abnaŭlajecca infarmacyja z najlepšymi vynikami i rekordami. Taksama ŭ sistemie dastupnyja karty łakacyj, aktualnyja naviny i inšyja karysnyja źviestki.
Hulniavyja placoŭki buduć pracavać štodzień pa 30 červienia z 10 da 21 hadziny.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary