Kiraŭnik SK pra vypadak z daišnikam u Mahilovie: Takaja karcina była pieršapačatkova, što my asłupianieli

Kiraŭnik Śledčaha kamiteta Ivan Naskievič raspavioŭ pra chod rasśledavańnia śmierci mahiloŭskaha supracoŭnika DAI. Baćki chłopca nie zhodnyja z aficyjnaj viersijaj pra samahubstva i kazali žurnalistam, što ŭ «spravie šmat dziŭnaha» i jany buduć nastojvać na ekshumacyi, piša Tut.by

— Da nas baćki z prośbaj ab ekshumacyi nie źviartalisia, — zajaviŭ Ivan Naskievič. — Na žal, u nas užo byli vypadki nahniatańnia abstanoŭki, kali «padbivali» blizkich. Zrazumieła, što baćkam ciažka źmirycca z tym, što ich dzicia skončyła žyćcio samahubstvam.

Pa słovach kiraŭnika SK, viersija samahubstva zastajecca pryjarytetnaj.

— Akramia taho, u apošnija dni atrymany zaklučeńni šerahu ekśpiertyz, jakija ŭmacoŭvajuć nas u našaj pazicyi, što mienavita tak i adbyłosia, — zajaviŭ Ivan Naskievič.

Pa słovach staršyni Śledčaha kamiteta, pry hetym adpracoŭvajecca niekalki viersij zdareńnia.

— Bo ŭ pieršy dzień pra samahubstva havorki naohuł nie išło. Takaja karcina była pieršapačatkova, što my asłupianieli. Daŭno nie było takich zdareńniaŭ, kab supracoŭnika milicyi zabivali pry takich abstavinach, — adznačyŭ kiraŭnik viedamstva.

Jon dadaŭ, što była stvorana vialikaja apieratyŭnaja hrupa, z centralnaha aparata najlepšyja supracoŭniki SK byli nakiravanyja ŭ Mahiloŭ. Śpiarša jany rasśledavali «naŭmysnaje zabojstva», ale zatym pryjarytetnaja viersija stała inšaj. U SK płanujuć na praciahu dvuch miesiacaŭ rasśledavać kryminalnuju spravu. Kali viersija samahubstva paćvierdzicca, sprava budzie zakrytaja.

Nahadajem, uviečary 16 maja źjaviłasia paviedamleńnie ab tym, što ŭ Mahilovie vykradzieny supracoŭnik milicyi. Uvieś asabovy skład milicyi Mahiloŭskaj vobłaści padniali pa tryvozie, na darohach usioj krainy vystavili błokpasty. Pieršapačatkova šukali čornuju «Vołhu» z rasijskim rehistracyjnym numaram. Pavodle pieršapačatkovaj viersii, supracoŭnika DAI ŭ čornuju «Vołhu» zašturchali troje nieviadomych asobaŭ cyhanskaj abo kaŭkazskaj źniešnaści ŭ mikrarajonie Čapajeŭka i vyvieźli ŭ nieviadomym kirunku. Praź niekalki hadzin stała viadoma, što cieła źnikłaha lejtenanta Jaŭhiena Patapoviča znajšli ŭ lesie. Aficyjna paviedamlałasia ab ahniastrelnaj ranie hałavy.

20 maja SK paviedamiŭ, što asnoŭnaja viersija hibieli supracoŭnika DAI ŭ Mahilovie - suicyd.

Paźniej pra hetu viersiju jak adzinuju pryjarytetnuju zajaviŭ i kiraŭnik MUS Ihar Šunievič.

• 0
• 0
• 0
• 0
• 0
• 0
• 0
• 0