Z 2020 hoda va ŭkrainskija dziciačyja damy nie buduć prymać dziaciej, jany buduć pieratvoranyja ŭ palijatyŭna-reabilitacyjnyja centry. Pra heta v.a. ministra achovy zdaroŭja Ukrainy Uljana Suprun paviedamiła na svajoj staroncy ŭ facebook.
Pavodle jaje słoŭ, da 2020 hoda ŭsie dziciačyja damy buduć pracavać u zvyčajnym režymie, ale paralelna budzie vieścisia nieabchodnaja padrychtoŭka dla ŭładkavańnia ŭsich dziaciej u rodnyja, patranatnyja abo pryjomnyja siemji.
«Z 2020 hoda dziaciej nie buduć prymać dziciačyja damy. Buduć stvorany ŭsie ŭmovy, kab hetyja dzieci mahli paŭnavartasna raści sa svaimi rodnymi baćkami. U vyklučnym vypadku jany buduć žyć u patranatnaj abo pryjomnaj siamji», — paviedamiła Suprun.
Jana patłumačyła, što ŭ jakaści alternatyvy dziciačym damam isnuje praktyka patranatnaj siamji (časovaj). Heta pierachodny pieryjad pierad padrychtoŭkaj pieradačy dziciaci siamji, jakaja im budzie zajmacca. Kožnaje dzicia, baćki jakoha nie mohuć pa šerahu pryčyn zabrać jaho dadomu i naładžvajuć svajo žyćcio, pavinny znachodzicca nie ŭ internacie, a ŭ patranatnaj siamji.
U toj ža čas, pa słovach ministra, da 2023 na miescy dziciačych damoŭ buduć arhanizavany palijatyŭna-reabilitacyjnyja centry.
«Usie hetyja źmieny nie aznačajuć, što dzieci ź dziciačych damoŭ zastanucca biez žylla. My chočam, kab dzieci, jakija ciapier žyvuć u ich, byli ŭładkavanyja ŭ dobryja siemji ci mahli raści va ŭmovach, nabližanych da siamiejnych», — adznačyła ministr.
Suprun padkreśliła, što ŭvieś cyvilizavany śviet admoviŭsia abo admaŭlajecca ad uładkavańnia dziaciej u dziciačyja damy.
«Nie žyvuć dzieci ŭ internatach i da paŭnalećcia. Takoha prosta nie isnuje. Tak nie pavinna być i ŭ nas», — zajaviła ŭkrainski ministr.
Ciapier čytajuć
Łukašenka zajaviŭ pra hatoŭnaść pryjechać u Kijeŭ44
Kamientary