Kultavy raman Džoan Roŭlinh «Hary Poter i fiłasofski kamień» ŭpieršyniu vyjdzie pa-biełarusku. Pravaŭładalniki padpisali kantrakt i ŭzhadnili proźvišča pierakładčyka. Pra heta TUT.BY paviedamiŭ Andrej Januškievič, dyrektar vydaviectva «Januškievič», dzie ŭ śniežni 2019 hoda i budzie apublikavanaja kniha.
— My pastarajemsia zrabić lepšaje vydańnie, čym u našych susiedziaŭ, bo majem mahčymaść uličyć ich pamyłki i praliki, prysłuchacca da zaŭvah čytackaj aŭdytoryi, jakaja pračytała ŭ svoj čas knihu na inšych movach. Ja ŭ zachapleńni ad pracy pierakładčycy Aleny Piatrovič — heta najvyšejšy ŭzrovień padychodu da spravy. Dla nas vialiki honar vykanać hetuju pačesnuju misiju — vypuścić knihu pra ŭžo sapraŭdy lehiendarnaha Hary Potera na rodnaj movie, — kaža Andrej Januškievič.
Pierakładčyk Alena Piatrovič — prafiesijnaja linhvistka z navukovaj stupieńniu kandydata navuk, vykładčyk fiłałahičnaha fakulteta BDU. Jana pierakładaje z anhielskaj i polskaj movaŭ. Dziakujučy joj pa-biełarusku vyjšli apaviadańni Artura Konan Dojła i Edhara Ałana Po, vieršy Džejmsa Morysana, knihi «Padarožžy z Hieradotam» Ryšarda Kapuścinskaha i «Nasypać hory» Małhažaty Šejnert. Bolš za dziesiać hadoŭ zajmajecca vypuskam anłajn-časopisa pierakładnoj litaratury «Prajdziśviet».
Pakul havorka idzie pra pierakład pieršaha ramana ź sieryi, jakaja ahułam naličvaje vosiem knih.
Pa-anhielsku pieršuju knihu pra Hary Potera vydali ŭ 1997 hodzie. Historyja pra junaha čaraŭnika pabiła ŭsie mahčymyja rekordy i stała bestsieleram va ŭsim śviecie. Jaje pierakłali bolš čym na 80 moŭ. Pradadziena ŭžo bolš za 500 miljonaŭ asobnikaŭ. Pa ŭsich knihach sieryi ŭ Halivudzie źniatyja šyroka viadomyja błokbastary.
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary