Šalonyja kambeki i trenierskija dyskvalifikacyi. Čaho možna čakać ad nastupnaha tura čempijanatu Biełarusi pa futbole?
U vyšejšaj lizie prajšło siem turaŭ, i na viaršyni tablicy možam nazirać bresckaje «Dynama». Kryza pačatku siezona psavała čempijonskija ambicyi bieraściejcaŭ apošnija dva hady, ale sioleta «bieła-błakitnyja» zastajucca adzinaj kamandaj lihi, što nie prajhravała.
Razam z Bukmiekierskaj kantoraj Marafon my praciahvajem sačyć za čempijanatam Biełarusi.
Na pieršy radok «Dynama» ŭskočyła dziakujučy minimalnaj parazie «Šachciora» ŭ Viciebsku. Razam z salihorcami druhoje miesca dzielać BATE i «Isłač».
Hałoŭny trenier apošnich, Vital Žukoŭski, byŭ aštrafavany na 30 bazavych i dyskvalifikavany na miesiac pa dźviuch artykułach dyscyplinarnaha kodeksu: «Padbuchtorvańnie da prajavy ahresii i prymianieńnia siły» i «Inšyja parušeńni». Tamu ŭ najbližejšy čas samaha charyzmatyčnaha treniera «vyški» treba šukać na trybunach, a nie pobač z hulcami.
«Słavija» i «Minsk» zaviaršyli tydzień nievierahodnych kambekaŭ uśled za «Livierpulem» i «Totenchemam». Naprykancy sustrečy ŭ Mazyry haspadary spakojna viali ź likam 3:0, ale «haradžanie» vyrašyli abłamać uvieś kajf «Słavii» i chucieńka lik zraŭniali. Ale kali «Minsk» paličyŭ spravu zroblenaj, na 95-j chvilinie Dzianis Kavaleŭski ŭsio ž vyrvaŭ pieramohu dla mazyrčukoŭ. Taki voś chepi-end.
Zazirniom u raskład vośmaha tura!
«Enierhietyk-BDU» — «Minsk»
- 17.05, 17:00. Minsk, stadyjon RCAR-BDU
- Kaeficyjenty: «Enierhietyk» (pieramoha) — 3.15; ničyja — 3.20; «Minsk» (pieramoha) — 2.27
U papiarednim tury «studenty» prajhrali «Isłačy» i zastalisia ŭ niebiaśpiečnaj blizkaści ad zony vyletu, dzie jakraz znachodzicca ich budučy supiernik.
«Minsk» zastajecca adzinaj kamandaj lihi, jakaja jašče ŭ hetym siezonie nie pieramahała.
Prahnoz «NN»: «Enierhietyk» nie sastupić.
«Nioman» — BATE
- 17.05, 18:45. Hrodna, CSK «Nioman»
- Kaeficyjenty: «Nioman» (pieramoha) — 6.00; ničyja — 3.75; BATE (pieramoha) — 1.571
Haradziency nabrali dobry chod. U apošnich čatyroch turach «Nioman» nabraŭ 10 z 12 mahčymych bałaŭ.
BATE minimalna pieramoh minskaje «Tarpieda» dziakujučy pieršamu hołu Bojana Dubaiča. Kamientatary na spartovych forumach źviarnuli ŭvahu, što pierad udaram miač trapiŭ sierbu ŭ ruku. Ale ABFF, raźbirajučy epizod, pryznała pravilnaść zaličanaha hoła.
Prahnoz «NN»: totał mienšy za 2.5.
«Haradzieja» — «Słavija»
- 17.05, 20:45. Stadyjon «Haradzieja»
- Kaeficyjenty: «Haradzieja» (pieramoha) — 2.39; ničyja — 3.08; «Słavija» (pieramoha) — 3.08
Haradziejcy paśla siensacyjnaj pieramohi nad BATE patrapili pad katok u Breście. «Dynama» adhruziła «cukrovym» čatyry miačy i adpraviła damoŭ abmakać.
«Słavija», jak my kazali raniej, taksama zabiła «Minsku» čatyry miačy, ale i prapuściła trojčy. Tamu nas moža čakać bahataja na hały hulnia.
Prahnoz «NN»: totał bolšy za 2.5.
«Isłač» — «Viciebsk»
- 18.05, 16:00. Stadyjon FK «Minsk»
«Viciebsk» ažyvaje paśla składanaha pačatku siezona. Viasnoj viciebčuki aformili vychad u chatni finał Kubka, a taksama dva tury zapar śviatkujuć pieramohi ŭ čempijanacie.
Paŭnočnaja kamanda prajhrała tolki adnu hulniu čempijanatu, ale ažno na 5 bałaŭ adstaje ad svajho budučaha supiernika. Kab čaplacca za miesca pad soncam, treba pieramahać.
Prahnoz «NN»: «Viciebsk» nie prajhraje.
«Homiel» — «Tarpieda-BiełAZ»
- 18.05, 17:45. Homiel, stadyjon «Centralny»
«Homiel» znoŭ prajhraŭ. Na hety raz — minskamu «Dynama», jakoje narešcie prarvała. Minčuki zabili trojčy i jašče nie realizavali 11-mietrovy ŭdar, aformiŭšy čaćviortuju zapar parazu «Homiela».
Matč suprać «Tarpieda» taksama nie abiacaje ničoha pazityŭnaha: žodzincy nie viedajuć pra parazy voś užo šeść turaŭ.
Prahnoz «NN»: «Tarpieda» pieramoža.
«Šachcior» — «Dynama-Minsk»
- 18.05, 19:30. Salihorsk, stadyjon «Budaŭnik»
Matč srebranaha i bronzavaha pryzioraŭ letašniaha čempijanatu. Kali «Dynama» narešcie pieramahło, to ŭ apošnim tury «Šachcior» davoli niečakana sastupiŭ «Viciebsku», tamu vyznačyć favaryta davoli składana.
Ale što cikava: salihorcy vielmi niaŭdała hulajuć suprać «Dynama» doma — apošni raz «Šachcior» pieramahaŭ «bieła-sinich» ažno ŭ 2012 hodzie.
Prahnoz «NN»: ničyja.
«Tarpieda-Minsk» — «Dynama-Brest»
- 19.05, 16:00. Minsk, stadyjon «Traktar»
U apošnich piaci turach «aŭtazavodcy» zarabili tolki 1 turnirny bał i atabarylisia razam z «Minskam» u zonie vyletu.
Vialikaja imaviernaść, što ŭ hulni suprać lidara tablicy niezajzdrosnaja sieryja moža praciahnucca.
Prahnoz «NN»: pieramoha «Dynama».
«Słuck» — «Dniapro»
- 19.05, 18:00. Słuck, stadyjon «Haradski»
«Słuck» zaviaršyŭ kašmarnuju 14-matčavuju sieryju bieź pieramoh, abhulaŭ minskaje «Dynama», ale zamacavać pazityŭ u Žodzinie nie zmoh. Słuččaki prajhrali «dziakujučy» vielmi kryŭdnamu hołu — abaronca Pavieł Nazaranka vynies sa štrafnoj miač dakładna ŭ kalena hulca «Tarpieda», ad jakoha toj zalacieŭ u varoty.
Ale jość šaniec nie zadavać znoŭ sumny trend, bo ŭ Słuck jedzie «Dniapro». Kolkaść bałaŭ u abiedźviuch kamand adnolkavaja, ale słuččaki vidavočna buduć pavyšejšyja kłasam.
Prahnoz «NN»: pieramoha «Słucka».
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna3
Kamientary