AAT «Naftan» pajšło na rezkaje vymušanaje pamianšeńnie pierapracoŭki nafty, paviedamili BIEŁTA na pradpryjemstvie.
Dla niedapuščeńnia vychadu sa stroju abstalavańnia z-za karozii i dla praduchileńnia źnižeńnia aktyŭnaści katalizataraŭ, jakija vykarystoŭvajucca ŭ pracesach pierapracoŭki nafty, navapołacki NPZ vymušany byŭ pajści na rezkaje źnižeńnie pierapracoŭki naftavaj syraviny.
«U subotu, 20 krasavika, na pradpryjemstvie prystupili da panižeńnia zahruzki pieršasnych ustanovak pa pierapracoŭcy nafty, u niadzielu, 21 krasavika, mahutnaści pryjšłosia panizić jašče na 10%. U ciapierašni čas zahruzka AAT «Naftan» pa naftavaj syravinie składaje mienš za 55% ad uzroŭniu pieršaha kvartała 2019 hoda. Całkam spyniena pierapracoŭka na ŭstanoŭcy AT-8, uviedzienaj u ekspłuatacyju ŭ 2017 hodzie», — prainfarmavali na pradpryjemstvie.
Pryčynaj takoj situacyi stała vyjaŭleńnie pavyšanaha ŭtrymańnia arhaničnych chłarydaŭ u ekspartnaj sumiesi Urals, jakaja pastupaje pa mahistralnym naftapravodzie z Rasii. Utrymańnie chłarydaŭ u syravinie, jakaja transpartujecca pa sistemie mahistralnych trubapravodaŭ sistemy «Transnafty», u dziasiatki razoŭ pieravysiła normy DaST.
Rasijskaja «Transnafta» pryznała najaŭnaść prablem i abiacaje vyrašyć ich na praciahu niekalkich najbližejšych dzion. Sustreča rasijskich i biełaruskich śpiecyjalistaŭ dla abmierkavańnia šlachoŭ vychadu ź situacyi adbudziecca siońnia, dadali ŭ AAT «Naftan».
Kamientary