Źnikłaha try dni tamu Vaniu Vałošyna znajšli miortvym
Źnikłaha 10 krasavika ŭ Kamianieckim rajonie dvuchhadovaha Vaniu Vałošyna znajšli siońnia miortvym. Hetuju infarmacyju Radyjo Svaboda paćvierdziŭ kiraŭnik pošukavaha atradu «Anioł» Siarhiej Koŭhan.
«Chłopčyka znajšli ŭ mielijaracyjnym kanale niepadalok ad vioski Hałoŭčycy. Na žal, dzicia miortvaje», — raspavioŭ Tut.by aficyjny pradstaŭnik UUS Bresckaha abłvykankama Siarhiej Dučenka.
U pres-słužbie Śledčaha kamiteta zajavili, što prykmiet hvałtoŭnaj śmierci nie vyjaŭlena. Z metaj vyśviatleńnia pryčyny śmierci pryznačana sudova-miedycynskaja ekśpiertyza.
Pamiž vioskami Hałoŭčycy i Lubaški, dzie prapała dzicia — 3,4 kiłamietra.
Vania Vałošyn, jakomu 1 hod 11 miesiacaŭ, vyjšaŭ z domu ŭ vioscy Lubáški ŭ Kamianieckim rajonie na Bieraściejščynie ŭdzień 10 krasavika. Maci Vani źviarnułasia ŭ milicyju ŭ 21:00. Jana raskazała, što syn vyjšaŭ z domu kala 15:00 i nie viarnuŭsia dachaty. Z taho času jahonaje miescaznachodžańnie było nieviadomaje.
Na pošuki dziciaci adrazu rušyli milicyjanty, rataŭniki, pamiežniki, vajskoŭcy. Siońnia ŭ pošukach chłopčyka ŭdzielničali 93 vałanciory.
Čytajcie taksama: Što viadoma pra siamju chłopčyka, jaki prapaŭ pad Kamiancom
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki4
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary