Sort bulby «Manifiest», miech jakoj Łukašenka padaryŭ Pucinu, nazvany ŭ honar pieśni Siarhieja Michałka
Vykanaŭca abaviazkaŭ hiendyrektara Navukova-praktyčnaha centra NAN pa bulbavodstvie i płodaaharodnictvie Vadzim Machańko, ahranom u čaćviortym pakaleńni i aŭtar niekalkich biełaruskich sartoŭ, raskazaŭ TUT.BY pra samyja papularnyja sarty bulby:
— U kancy 1970-ch — pačatku 1980-ch biełaruskim sartam bulby addavali tracinu pasadak u Savieckim Sajuzie. Starejšaje pakaleńnie, napeŭna, pamiataje sarty «Temp», «Łošycki», «Ahieńčyk» i «Biełaruski».
Nivodnamu hatunku va ŭsim śviecie nie ŭdałosia dasiahnuć tych płoščaŭ, jakija zajmali sarty «Temp» i «Łošycki». Pa palityčnych matyvach jany nie patrapili ŭ Knihu rekordaŭ Hiniesa, — ličyć Machańko.
Siońnia 75% pasadak u Biełarusi — heta našy sarty. Na pieršym miescy «Bryz», na druhim «Skarb». «Skarb» taksama rekardsmien — 22 hady sort karystajecca papularnaściu ŭ biełarusaŭ i da hetaha času nie nadakučyŭ našamu spažyŭcu. U dziasiatku papularnych sartoŭ taksama ŭvachodziać «Manifiest», «Viektar», «Rahnieda», «Janka», «Uładara», «Lileja».
Chto prydumlaje našaj bulbie takija ramantyčnyja nazvy? U Centry kažuć, što rašeńnie zaŭsiody kalehijalnaje. Zvyčajna varyjantaŭ šmat.
Naprykład, «Manifiest» i «Zorački» źjavilisia dziakujučy tvorčaści Siarhieja Michałka z hrupy «Lapis Trubiackoj». Michałok — viadomy ŭ Samachvałavičach chłopiec, pravodziŭ tut svajo dziacinstva. Ale pra toje, što jaho pieśni natchnili sielekcyjanieraŭ, jon naŭrad ci viedaje.
Nazva bulby pavinna być aryhinalnaj i padkreślivać, što heta biełaruskaja raspracoŭka.
Darečy, miech z «Manifiestam» niadaŭna adpraviŭsia da prezidenta Rasiei — taki padarunak Pucinu Łukašenka padnios na Novy hod. A jašče ŭ miaškach byŭ «Viektar», «Rubin» i «Nara». Apošnija dva sarty — novyja, u prodažy ich jašče niama, jany prachodziać vyprabavańni, u tym liku na ŭčastku ŭ rezidencyi Łukašenki.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu15
Kamientary