Drahičynskija ŭłady patłumačyli, čamu pa škołach rajona hastralujuć psieŭdakazaki z chałodnaj zbrojaj
Nie prajšło jašče miesiaca z raźni ŭ Stoŭbcach, jak na sajcie biełaruskich psieŭdakazakaŭ kazak.by źjaviłasia spravazdača ab dziejnaści «vajenna-patryjatyčnaha kłuba Pieraśviet» u Drahičynie.
«Za pieryjad studzień-luty 2019 h. było pryniata rašeńnie pravieści nie mienš za 10 mierapryjemstvaŭ pa vajenna-patryjatyčnym vychavańni vučniaŭ Drahičynskaha rajona», — pišuć jany na svaim sajcie.
Sutnaść mierapryjemstvaŭ u tym, što ludzi, jakija nazyvajuć siabie kazakami, jeździać pa škołach rajona i demanstrujuć dzieciam roznuju zbroju, uciahvajučy dziaciej u svoj niezrazumieły ruch.
Kiraŭnik drahičynskaha «Pieraśvieta» Cimafiej Klimčuk nijakaha dačynieńnia da kazactva nie maje — heta były vykładčyk matematyki i infarmatyki. U niejki momant apranuŭ na siabie kamuflaž, a na hałavu — papachu, i syšoŭ z raboty ŭ histaryčnym muziei.
Klimčuk nie chavaje taho, što jon — siabra arhanizacyi «Kazacki spas».
«Kazacki spas» vyznaje rasijskuju impierskuju ideałohiju. Hetyja ludzi viadomyja svaimi pravakacyjami, naprykład, z rasijskim impierskim ściaham u Sapockinie, kali daviałosia apraŭdvacca pahraničnikam i pravasłaŭnamu śviataru.
Aktyvistaŭ «Kazackaha spasu» adchilili ad zaniatkaŭ ź dziećmi ŭ šerahu «vajenna-patryjatyčnych» kłubaŭ na Hrodzienščynie paśla taho, jak stała zrazumieła, jakomu kankretna patryjatyzmu jany vučać padletkaŭ (pieravažna — ź ciažkich siemjaŭ).
Čytajcie taksama: «Voiny Chrysta»: jak asobnyja śviatary i aficery na Hrodzienščynie rychtujuć sałdataŭ «ruskaha śvietu»
Čamu takija hastroli pa škołach jašče zastalisia na Brestčynie?
Pra heta «Naša Niva» spytała ŭ načalnicy adździeła ideałohii Drahičynskaha rajvykankama Iny Pranievič. Pa jaje słovach, sustrečy pravodzilisia ŭ ramkach patryjatyčnaha vychavańnia.
«Jany [«kazaki»] pakazvajuć vałodańnie šablaj, ale dzieciam nie dajuć karystacca makietami. Atrybutyku — šapki — uziali, kab było zrazumieła, pryčym tut šabla. Kali b jany prosta ŭ vajskovaj formie, to heta było b nikudy nie varta.
Jany supracoŭničać z kamisijaj pa spravach niepaŭnaletnich, časta biaruć u pachody dziaciej, jakija znachodziacca ŭ sacyjalna niebiaśpiečnym stanoviščy», — tłumačyć Pranievič.
Čynoŭnica dvojčy padkreśliła, što Klimčuk — psieŭdakazak.
«Jon nie kazak, nie-nie, heta pravierany čałaviek! Jon piedahoh pa adukacyi, doŭha pracuje ŭ sistemie. Heta nie toj čałaviek, jaki budzie ź impierskimi zamaškami… Razumiejecie, tut zhurtavańnie maładych ludziej. Pa patryjatyčnaj linii — dohlad pomnikaŭ, pachavańniaŭ. Nijakim čynam nie praskokvaje ni rasijskaja, ci tym bolš kazackaja tematyka», — davodzić Ina Pranievič.
Pa jaje słovach, u «Pieraśviecie» udzielničaje da 12 dziaciej.
Klimčuk ŭ kamuflažy sprava, fota kazak.by
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary52
Kamientary