Źjaviłasia spartovaje šou, dzie Hleb, Kalužny i Rutenka razmaŭlajuć «za žyćcio» VIDEA
Napiaredadni matču BATE — «Arsienał» videaservis VOKA zapuściŭ piłotny vypusk spartyŭna-zabaŭlalnaha šou «Łaŭka asnoŭnych».
U im adzin z samych paśpiachovych ajčynnych futbalistaŭ Alaksandr Hleb razam sa svaimi «zornymi» siabrami — chakieistam Alaksiejem Kalužnym i samym darahim handbalistam svajho času Siarhiejem Rutenka — abmiarkoŭvajuć apošnija naviny sportu i dzielacca zakulisnym historyjami sa svajho minułaha.
Razmaŭlajuć spartsmieny na roznyja temy: pra hrošy, asabistyja pośpiechi i pravały, śmiešnyja historyi dy realnyja prablemy biełaruskaha sportu. Jakuju zarpłatu prapanoŭvali Hlebu ŭ CSKA? Jak Rusłana Saleja tajemna abmianiali ŭ inšuju kamandu? Jak pryhatavać pielmieni ŭ taršery? Hetyja dy inšyja bolš ci mienš surjoznyja temy abmiarkoŭvajuć zorki ŭ niefarmalnaj abstanoŭcy i biez usialakaj cenzury.
Pryniata ličyć, što Alaksandr Hleb, užo budučy hulcom asnovy «Štutharta», «zabivaŭ miljony». «Adnojčy na Novy hod ja bolš za sutki jechaŭ z Hiermanii ŭ Biełaruś na aŭtobusie: tak chacieŭ zekanomić», — raspaviadaje futbalist, suma tranśfieru jakoha z «Štutharta» u «Arsienał» paśla skłała 15 miljonaŭ jeŭra.
Daviedacca hetyja i inšyja padrabiaznaści žyćcia spartoŭcaŭ možna na staroncy videaservisa VOKA. Piłotny vypusk dastupny biaspłatna ź luboj pryłady: televizara, kampjutara, noŭtbuka, płanšeta abo mabilnaha telefona ŭ sietcy luboha apieratara.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary