U Łos-Andželesie ŭ noč na 7 studzienia adbyłasia 76-ja cyrymonija ŭručeńnia premii «Załaty hłobus». Najlepšym dramatyčnym filmam była pryznana praca Brajan Sinhiera «Bahiemskaja rapsodyja» (Bohemian Rhapsody), jakaja raskazvaje pra hurt Queen i ich vakalista Fredzi Merkjury.
Akcior Rami Malek, što vykanaŭ rolu muzykanta, staŭ najlepšym dramatyčnym akcioram.
Karcina «Zialonaja kniha» Pitera Fareli zavajavała «Załaty hłobus» u katehoryi «najlepšaja kamiedyja / miuzikł». Karcina mieksikanskaha režysiora Alfonsa Kuarona «Rym» (Roma) hanaravałasia «Załatoha hłobusa» u katehoryi «Najlepšy film na zamiežnaj movie». Najlepšym animacyjnym filmam byŭ pryznany «Čałaviek-pavuk: Praz suśviety» (Spider-Man: Into the Spider-Verse).
Amierykaniec Machieršała Ali atrymaŭ uznaharodu «Załaty hłobus» u naminacyi «Najlepšy akcior druhoha płana» za rolu ŭ karcinie «Zialonaja kniha». Najlepšaj aktrysaj druhoha płana stała Redžyna Kinh za rolu ŭ filmie «Kali Bił-stryt mahła b zahavaryć».
Łedzi Haha zavajavała «Załaty hłobus» za pieśniu Shallow da filma «Zorka naradziłasia». Jana taksama pretendavała na zvańnie najlepšaj aktrysy za rolu ŭ adnajmiennym filmie, ale ŭ hetaj naminacyi zastałasia biez uznaharody.
Uznaharodu ŭ naminacyi najlepšy dramatyčny sieryjał zavajavali «Amierykancy». Sieryjał apaviadaje pra paru ahientaŭ KDB, jakija pad vyhladam muža i žonki-amierykancaŭ pasialajucca ŭ pryharadzie Vašynhtona.
Kinapremija «Załaty hłobus» uručałasia ŭ 76-y raz. Jaje časta nazyvajuć repietycyjaj «Oskara».
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary