U Brytanii miedyki dabivajucca zabarony nitrytaŭ u kiłbasach i šyncy
Viadučyja brytanskija navukoŭcy i hrupa palitykaŭ z roznych partyj zaklikali zabaranić vykarystańnie nitrytaŭ u kiłbasnych vyrabach.
Nitryt natryju daŭno ŭžyvajuć u jakaści kansiervanta pry pierapracoŭcy miasa. Dziakujučy nitrytu, kiłbasy i farš zachoŭvajuć koler i vodar, nie ciamniejuć. Akramia taho, nitryty abierahajuć ad batulizmu.
Adnak, jak vyjavili navukoŭcy, u miasie pry hatavańni nitryty pieratvarajucca ŭ nitrazaminy — a jany mohuć vyklikać rak.
Vytvorcy miasnych praduktaŭ suprać zabarony na nitryty, bo hetyja rečyvy na siońnia samyja tannyja kansiervanty. Jany abapirajucca na vyvady mižnarodnych arhanizacyj, što škody ad nitrytaŭ, kali jeści kiłbasy ŭ razumnych dozach, niama. I ŭ Jeŭrasajuzie, i ŭ Biełarusi dziejničaje norma, zhodna ź jakoj nitryt natryju moža vykarystoŭvacca tolki ŭ sumiesi z sollu ŭ małoj kancentracyi.
U toj ža čas, naprykład, vytvorcy znakamitaha parmskaha sušanaha kumpiaku nitrytaŭ nie vykarystoŭvajuć. Admovilisia ad chimikataŭ i francuzskija zavody Nestle.
Ciapier čytajuć
Pamiatajecie Daniłu z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ i z čaho ŭsio pačałosia
Kamientary