Pry pažary na Bresckim miasakambinacie evakujavali 42 čałavieki, paviedamlaje MNS.
Paviedamleńnie ab pažary ŭ kaŭbasna-kulinarnym cechu pastupiła dniom 15 śniežnia. Na toj momant u dvuchpaviarchovym budynku cecha znachodzilisia 42 čałavieki. Zaharańnie adbyłosia na pieršym paviersie ŭ kamiery achaładžeńnia, pryznačanaj dla zachoŭvańnia hatovaj pradukcyi.
Da prybyćcia padraździaleńniaŭ MNS z budynka evakujavali 40 čałaviek. Na druhim paviersie zastalisia dva čałavieki 1963 i 1985 hadoŭ naradžeńnia, jakija nie mahli samastojna pakinuć cech. Im pryjšli na dapamohu ratavalniki, jakija vyvieli rabotnikaŭ z vykarystańniem śpiecyjalnych masak.
Ahniom paškodžana kala 150 kiłahram kaŭbasnych vyrabaŭ i 10 płastykavych skryń dla zachoŭvańnia pradukcyi, zakurany ścieny i stol u kamiery achaładžeńnia. Paciarpiełych niama.
Pryčyna pažaru vyśviatlajecca.
Kamientary