Bierlin: dziasiatki zatrymanych siarod demanstrantaŭ-antynacystaŭ
Niamieckaja palicyja zatrymała ŭ subotu bolš za 40 demanstrantaŭ, što namahalisia spynić šeście niea-nacystaŭ u adnym z pradmieściaŭ Uschodniaha Bierlinu. Tak paviedamiŭ siońnia presavy sakratar niamieckaj palicyi.
Blizu 700 pradstaŭnikoŭ ultra-pravaj nacyjanalna-demakratyčnaj partyi (NDP) vyjšli na vulicy Bierlinu, apranutyja ŭ čornaje i trymajučy ŭ rukach raściažki čyrvona-čornaha koleru z nadpisami: “Moładź maje patrebu ŭ lepšaj budučyni”. Jany patrabavali adkryćcia “Nacyjanalnaha centru dla padletkaŭ”.
Proci ich pašychtavałasia niekalki sotniaŭ aktyvistaŭ levych partyjaŭ, jaki mieli namier strymać šeście. Jany kryčali ŭ bok nacystaŭ: “Nacystaŭ – dałoŭ!” i trymali płakaty “Bierlin suprać nacystaŭ!”. Pamiž dvuma kalonami stajała blizu 1600 palicyjantaŭ, uzbrojenych srodkami, pryznačanymi dla razhonu demanstracyjaŭ. Kali žarści pačali napalacca, dyk palicyja ŭžyła mocnyja vadzianyja strumiani, jakija byli nakiravanyja suprać levych aktyvistaŭ.
Supraćstajańni pamiž pradstaŭnikami levych partyjaŭ i ŭltra-pravymi zdarajucca ŭ Niamieččynie dosyć časta, i palicyja zatrymlivaje zazvyčaj mienšuju kolkaść antynacysckich aktyvistaŭ. Subotniaja ličba ŭ 40 zatrymanych dla takich vystupaŭ ličycca zavialikaj.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary