Elektrazvarščyk adnaho z pradpryjemstvaŭ Vałožyna atrymaŭ hod abmiežavańnia voli za pałavuju suviaź z 15-hadovaj dziaŭčynkaj. Chłopiec atrymaŭ hod abmiežavańnia voli biez nakiravańnia ŭ papraŭčuju ŭstanovu adkrytaha typu. Pamočnik prakurora Vałožynskaha rajona Nadzieja Radzievič raskazała Młyn.by:
— 20-hadovy chłopiec i jaho 15-hadovaja siabroŭka z roznych rajonaŭ Minskaj vobłaści. Chłopiec pracuje ŭ arhanizacyi, jakaja dała jamu internat u Vałožynie. U hetym internacie jany i sustrakalisia. Abvinavačany ŭ sudzie całkam pryznaŭ svaju vinu i raskajaŭsia, paćvierdziŭ usie dziesiać epizodaŭ pałavych adnosin ź niepaŭnaletniaj, jakija vyjaviła śledstva.
Nadzieja Radzievič adznačyła, što kachańnie maładych ludziej było ŭzajemnym. I ŭ sudzie dziaŭčynka prasiła stroha nie karać kachanaha.
Jašče padčas papiaredniaha rasśledavańnia ŭ svaich pakazańniach chłopiec raspaviadaŭ, što spačatku jany prosta siabravali. Ale ŭzajemaadnosiny pastupova pierastali być družbaj.
Ciapier na praciahu hoda svaboda maładoha čałavieka budzie abmiežavanaja. Ale jon zmoža praciahvać pracavać abo na svaim miescy ŭ Vałožynie, abo pa miescy žycharstva.
Abvinavačanamu tolki treba ŭzhadnić svajo miesca pražyvańnia i pracy z kryminalna-vykanaŭčaj inśpiekcyjaj.
Prysud pakul nie ŭstupiŭ u zakonnuju siłu. Jon moža być abskardžany i apratestavany.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ5
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary