Broniekamizelka dla vusnaŭ: top pravieranych srodkaŭ, jakija abaroniać ich ad chaładoŭ i vietru
Čamuści ŭ pytańni dohladu siabie my nadajom ŭvahu i tvaru, i rukam, i ciełu, u toj momant achovy vusnaŭ puskajem na samaciok. I darma — heta adna z samych biezabaronnych častak našaha cieła, jakaja časta pakutuje ad avitaminozu i ultrafijaletu, u chałady ž vusny to pierasušvajucca, to sivierajuć.
My apytali roznych dziaŭčat i sabrali ŭ adzin materyjał pravieranyja srodki, jakija dapamohuć mienš ablizvać vusny i stanuć dla ich svojeasablivymi abaronnymi puchavikami.
Hanna Hračyškina, SEO-śpiecyjalistka:
— U mianie jość top lubimych srodkaŭ u dohladzie vusnaŭ. Pieršy kupiła na probu zusim niadaŭna, ale ŭžo acaniła efiekt: vielmi pryjemnaje masła pa struktury i pachu. Kruta, što, kali pamažaš im vusny, da ich paśla nie lipnuć vałasy. Praŭda, jano vielmi chutka ŭbirajecca, tamu prychodzicca časta mazać nanoŭ. A voś balzam ad Himalaya Herbals, naadvarot, trymajecca doŭha, vydatna ŭvilhatniaje, ale da jaho lipnie ŭsio, što mahčyma, tamu rekamienduju nanosić jaho na noč. «Fruktovaje źziańnie» ad «Nivieja» — moj lubimčyk, pamada nie prosta ŭvilhatniaje, jana jašče smačna pachnie i dadaje vusnam čyrvani.
Julija Šaŭčuk, aktrysa Svabodnaha teatra, režysiorka:
— Ja karystajusia balzamami Burt's bees i Pawpaw. Pieršy sam pa sabie dobry i pravierany časam. Rawpaw ža bolš padychodzić dla ŭvilhatnieńnia pierad naniasieńniem pamady, rekamienduju.
Darja Truchan, prahramistka:
— Kali vusnam zusim drenna i treba ich padlačyć, ja źviartajusia da hetaha kalifarnijskaha arhanavaha balzamu. Jon, jak kažuć, prosta «vanłav»: dobra ŭbirajecca, uvilhatniaje i realna ratuje pry abvietryvańni ci mocnaj suchacie.
Dla siabie ja zrabiła vysnovu, što tolki naturalnaje masła ratuje pry lubych prablemach. Na krajni vypadak, treba zaŭsiody mieć u sumcy stary-dobry vazielin. Ale im treba paśpieć namazacca da ekstrannaha momantu, paśla ŭździejańnia marozu ci vietru budzie ŭžo pozna. A voś u jakaści abaronnaha barjera vazielin — heta kłasnaja štuka.
Alena Ivaniušanka, dramaturh:
— Mnie padabajecca dadzienaja marka: heta naturalnaja niamieckaja kaśmietyka. My ž amal usio z vusnaŭ źjadajem, tamu chaj heta budzie niešta sa słovam «naturalnaje». Zručna, što heta choć i balzam, ale jon u formie pamady: nie treba nanosić jaho palcam. Vosieńniu i zimoj, kali chočacca heta rabić kožnuju hadzinu i ŭ mietro, i ŭ natoŭpie, heta adnaznačna plus.
Vola Filipava, trenierka pa jozie:
— U mianie zaŭsiody ŭ najaŭnaści masła šy i rycyna. Srodki vydatna ŭvilhatniajuć i ŭvohule dahladajuć vusny. Rycyna, akramia taho, supierski hoić patreskanyja vusny. Jana ŭ mianie zvyčajnaja, aptečnaja. Prosta pieralivaju ŭ rolikavy ciubik i karystajusia.
Hanna Siemianiaka, aktrysa RTBD:
— Adnojčy ja kupiła hetuju pamadu ŭ aptecy synu (tamu što ŭ jaho sochli vusny). Ale jon admoviŭsia joj karystacca. Ciapier joj karystajusia ja: dohlad vielmi prosty, ale mnie bolš i nie treba.
Hanna Ždanava, śpiavačka:
— Zvyčajna ja vykarystoŭvaju jakoje-niebudź masła, nanošu jaho pierad pamadaj u pracesie stvareńnia makijažu. A źvierchu potym dadaju blaski ad Victoria's Secret — u ich dobryja kampanienty pa dohladzie i kłasny pach.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary