25‑26 listapada Kamitet dziaržaŭnaha kantrolu sačyŭ, kali biełaruskija čynoŭniki prychodziać na pracu. Za dva dni pravieryli 119 arhanizacyj i ŭstanoŭ. Vyjavili bolš za 400 čałaviek, jakija spaźnilisia.
25‑26 listapada Kamitet dziaržaŭnaha kantrolu sačyŭ, kali biełaruskija čynoŭniki prychodziać na pracu. Za dva dni pravieryli 119 arhanizacyj i ŭstanoŭ. Vyjavili bolš za 400 čałaviek, jakija spaźnilisia.
Praviaralisia ministerstvy, viedamstvy, rajonnyja administracyi, kiraŭniki i supracoŭniki jakich atrymoŭvajuć zarabotnuju płatu ź dziaržbiudžetu.
Za pieršy dzień pravierki ŭ vaśmi ministerstvach spaźnilisia 166 supracoŭnikaŭ.
Na słužbu ŭ Ministerstva sportu i turyzmu nie śpiašaŭsia kožny šosty supracoŭnik. Poźniacca na pracu čynoŭniki ź ministerstvaŭ adukacyi, justycyi, ekanomiki, infarmacyi.U Barysaŭskim rajvykankamie kantralory naličyli 30 čynoŭnikaŭ, jakija spaźnilisia, u Mienskim— 13, Maładziečanskim — 10. Ci maje Kamitet dziaržaŭnaha kantrolu paŭnamoctvy, kab rabić takija pravierki? Presavy sakratar Kamitetu dziaržaŭnaha kantrolu Kirył Daniłaŭ patłumačyŭ:
«Viadoma, pravodzić takija pravierki — u kampetencyi Kamitetu dziaržkantrolu. Što tyčycca niejkich kankretnych zachadaŭ dyscyplinarnaha ŭździejańnia, to heta prerahatyva kiraŭnikoŭ tych ustanovaŭ, dzie pracujuć ludzi, jakija spaźnilisia na pracu».
U tak zvany «čorny śpis» trapiła niamała supracoŭnikaŭ Ministerstva infarmacyi i vydaviectvaŭ. Namieśnica ministra infarmacyi Lilija Ananič raspaviała:
«Zaraz pierada mnoj — tłumačalnyja zapiski. Voś čałaviek na balničnym i prychodzić na pracu, kab niejkija spravy darabić. Druhi vypadak — supracoŭnik byŭ na pryjomie ŭ doktara ŭ 8:50, jość aficyjnaje paćvierdžańnie. Byvajuć ža časam sytuacyi… U aparacie Ministerstva infarmacyi try vypadki my razabrali, usie spaźnilisia z pavažnych pryčyn. Što tyčycca sytuacyi pa vydaviectvach, pakul idzie jašče «razbor palotaŭ».
Staršynia Kamitetu dziaržkantrolu Zianon Łomać paabiacaŭ prakantralavać, jakija dyscyplinarnyja zachady buduć užytyja da vinavatych. Jon čakaje samych žorstkich — da adchileńnia ad pasadaŭ.Nu, a ludzi ŭzhadvajuć, što padobnyja pravierki praktykavalisia ŭ SSSR u pačatku 80‑ch u časy Andropava. Tady kantralory rabili ŭ pracoŭny čas abłavy navat u kinateatrach i cyrulniach. Supracoŭnica Ŭpraŭleńnia sacyjalnaj abarony kaža, što tady baraćba za dyscyplinu nie dała nijakaha plonu. Što da hetaj pravierki, spadarynia Valancina vykazałasia tak:
«Heta vielmi brydka, bo nichto nie zaŭvažaje toj pracy, jakaja robicca ŭ niepracoŭny čas. Vializnaja kolkaść papier, dakumentacyi, jakuju nichto nie skaračaje. Usie hetyja dakumenty niemahčyma zapoŭnić padčas pracoŭnaha dnia, tamu što šmat času idzie na sustrečy ź ludźmi, na razmovy z naviednikami».
A voś namieśnica ministra infarmacyi Lilija Ananič vykazała takoje mierkavańnie:
«U pryncypie, liču, što zaŭvahi ŭsim nam vielmi pravilnyja. Jość peŭnaja stupień rassłablenaści kadraŭ. Ja nia maju na ŭvazie Ministerstva infarmacyi, a maju na ŭvazie ŭvohule kadry. Tamu treba sabracca i pracavać. Bolš času addavać pracy».
U KDK śćviardžajuć, što kantrol za pracoŭnaj dyscyplinaj budzie praciahvacca, pryčym praviaracca buduć ustanovy i arhanizacyi samych roznych sferaŭ, niezaležna ad formaŭ ułasnaści.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary