Nacyjanalny schod Armienii na pazačarhovym pasiadžeńni ŭ čaćvier, 1 listapada, druhi raz nie abraŭ premjer-ministra krainy, paviedamlajuć «Naviny Armienii». U adpaviednaści z kanstytucyjaj krainy parłamient budzie raspuščany.
Adzinym kandydatam na pasadu premjer-ministra byŭ v.a. premjera Nikoł Pašynian, jaki 16 kastryčnika padaŭ u adstaŭku. Tady jon patłumačyŭ, što adstaŭka nosić farmalny charaktar i patrebna dla rospusku parłamienta.
«Nacyjanalny schod raspuskajecca pavodle zakona. Vinšuju», — napisaŭ 1 listapada Pašynian na svajoj staroncy ŭ fejsbuku.
«Za» i «suprać» kandydatury Pašyniana na pasiedžańni 1 listapada nie prahałasavaŭ nichto, 13 ustrymalisia. Dźvie frakcyi — «Dašnakcuciun» i «Carukian» — zajavili, što nie prymuć udzieł u hałasavańni.
Daterminovyja vybary pryznačanyja na pačatak śniežnia.
Kamientary