Pucin pradkazaŭ novuju honku ŭzbrajeńniaŭ, kali ZŠA vyrašać admovicca ad usich stratehičnych dahavoraŭ pa abmiežavańni ŭzbrajeńniaŭ z Rasijaj.
«Prablema paŭstała nie ŭčora i nie try dni tamu, kali prezident ZŠA abviaściŭ ab hetym (ab vychadzie z DRSMD, Damovy ab likvidacyi rakiet siaredniaj i małoj dalokaści). Kali vy źviarnuli ŭvahu, a my źviarnuli ŭvahu: kanhres ZŠA ŭžo uklučyŭ vydatki na navukova-daśledčyja i dośledna-kanstruktarskija raboty pa rakietach siaredniaj i mienšaj dalokaści», — zajaviŭ Pucin.
Prezident Rasii ličyć, što takija pracy pravodziacca «nie dla taho, kab pakłaści potym vyniki hetych pošukaŭ na palicu».
Jon adznačyŭ, što Rasiju niepakoić nie tolki likvidacyja damovy ab abmiežavańni sistem PRA (procirakietnaj abarony).
«Ciapier havorka idzie ab dahavory RSMD, niezrazumieły los SNU-3, kali ŭsio heta budzie demantavana, to ŭvohule ničoha nie zastaniecca ŭ śfiery pa kantroli za uzbrajeńniem. Nie zastajecca ničoha, akramia honki ŭzbrajeńnia», — padkreśliŭ Pucin.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary