Mitrapalit Minski i Zasłaŭski, Patryjaršy Ekzarch usiaje Biełarusi Pavieł pravieŭ słužbu ŭ honar pačatku budaŭnictva chrama, jaki budujecca na srodki Michaiła Huceryjeva. Pra heta havorycca ŭ paviedamleńni padkantrolnaj rasijskamu biznesmienu kampanii «Siertus Avija», jakaja źjaŭlajecca zabudoŭščykam abjekta, paviedamlaje Tut.by.
Chramavy kompleks znachodzicca ŭ ahraharadku Šaršuny pad Minskam. Jon budzie vykanany «va ŭnikalnym dla Biełarusi staražytna-vizantyjskim styli», havorycca ŭ paviedamleńni.
U ramkach tradycyjnaha carkoŭnaha abradu Mitrapalitam Paŭłam zakładzieny kamień i pamiatnaja hramata.
Zaviaršyć budaŭnictva kompleksu płanujecca ŭ kastryčniku 2019 hoda.
Chram budujecca kala «dačy» Michaiła Huceryjeva. Dakładniej siadziby z domam pryjomaŭ, u jakuju pierabudavali bazu adpačynku Upraŭleńnia spravami prezidenta Biełarusi «Krasnasielskaje». «Ja klanusia, što pabudavaŭ sabie dom na svaje asabistyja hrošy. A to napisali, što heta čarhovaja rezidencyja Łukašenki», — kamientavaŭ biznesmien.
«Adnojčy prezident mnie skazaŭ: «Słuchaj, na bałansie Upraŭleńnia spravami prezidenta jość baza adpačynku pobač z vozieram. Jana vielmi zaniadbanaja. U nas niama hrošaj, kab jaje zrabić. A ty tut užo puskaješ karani. Chopić matacca. Z ranicy prylacieŭ, viečaram nazad». Heta była baza adpačynku «Krasnasielskaje», stary budynak, jaki ja kupiŭ za hrošy, zapłaciŭšy ŭ biudžet Biełarusi. Ja adrazu nie chacieŭ budavać vialiki dom. Ale potym, pabyvaŭšy ŭ tym miescy, a pryroda tam nieapisalnaja, pahadziŭsia. U mianie jašče jość abaviazacielstva pabudavać pobač carkvu dla viernikaŭ. Dumaju, u nastupnym hodzie pabudujem. Tamu z hetaj historyjaj usio banalna prosta. Biez zadnich dumak. Ja chaču źviazać svaju budučyniu ź Biełaruśsiu», — rastłumačyŭ Huceryjeŭ.
Kamientary