Folk-rok opieru «Čaradziej» pakažuć na scenie minskaha Maładziožnaha teatra estrady (Maskoŭskaja, 18a).
U Minsku «Čaradziej» źbiraŭ zały čatyry razy, jašče dva pakazy vytrymaŭ u polskim Bielsku padčas hastrolaŭ prajekta ŭ traŭni 2017. I voś «Čaradziej» viartajecca.
Siužet hetaha muzyčna-teatralnaha pierfomansa zbudavany vakoł dzivosnaha vyzvaleńnia Čaradzieja z kijeŭskaj viaźnicy u 1068 hodzie — nie biez dapamohi tajamničaj hości z sučasnaj Biełarusi, dziaŭčyny Kasi.
«Prajekt, akramia estetyčnaj, maje i adukacyjnuju funkcyju, tamu zaklikaju dyrektaraŭ škoł i himnazij, a taksama kłasnych kiraŭnikoŭ, pabačyć «Čaradzieja», jak heta ŭžo zrabiła 100 vučniaŭ Liceja BDU» — adznačaje muzyka i pradusar Raman Arłoŭ, aŭtar muzyki, tekstaŭ i libreta «Čaradzieja».
Navat dla tych, chto ŭžo bačyŭ śpiektakl, arhanizatary abiacajuć siurpryzy: novy duetny numar Čaradzieja i Kasi, jakoha ŭ śpiektakli raniej nie było, novy hałoŭny hieroj, novyja aranžyroŭki, słajdy i animacyja zamiest tradycyjnych dekaracyj.
Kvitki ŭžo možna nabyć anłajn.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary