Karcinu kitajskaha mastaka pradali za rekordnuju sumu FOTA
Aŭkcyjon Sotheby's vyznačyŭ samy darahi tvor sučasnaha azijackaha mastactva.
Cikavaść da kitajskaha mastactva na ŭzdymie — na aŭkcyjonie Sotheby's u Hankonhu karcina kitajska-francuzskaha mastaka Čžao Uczi syšła z małatka za $65 miljonaŭ.
Heta suśvietny rekord dla pisanaj alejem karciny siarod azijackich mastakoŭ. Trypcich (pałatno z troch častak) pamieram 2,8 na 10 mietraŭ maje nazvu «Červień-kastryčnik 1985».
Čžao Uczi naradziŭsia ŭ Piekinie ŭ 1920 hodzie, ale bolšuju častku svajho tvorčaha žyćcia (a pražyŭ jon ažno 93 hady) pravioŭ u Paryžy. Malavać Čžao Uczi pačaŭ u 10 hod. Cikava, što jaho baćka, choć i byŭ bankiram, ale ŭsialak zaachvočvaŭ prahu syna da mastactva i dasłaŭ jaho vučycca ŭ škołu mastactvaŭ u horadzie Chančžoŭ.
Znajomstva z zachodnim, u pieršuju čarhu — francuzskim mastactvam, pryviało da taho, što Čžao Uczi parvaŭ z kitajskaj tradycyjaj. Ale potym, pa słovach mastaka, jon uvieś čas adkryvaŭ dla siabie mastactva Kitaja nanoŭ. «Jak ni paradaksalna, ale mienavita Paryžu ja abaviazyny tym, što viarnuŭsia da svaich najhłybiejšych vytokaŭ», — śćviardžaŭ jon u intervju časopisu Preuves u 1962 hodzie.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary